Дачкаэкс-кандыдата на выбарах прэзыдэнта Беларусі, вязьня КДБ Уладзімера Някляева на старонках расейскай «Новой газеты» складае дапаможнік для дзяцей рэпрэсаваных.
«Калі вашага бацьку дзяржава пабіла да страты прытомнасьці, а потым кінула ў турму, лепш за ўсё, калі вам на гэты момант больш трох гадоў ад роду. Таму што калі вам тры гады — вы наогул нічога не зможаце зрабіць. Вы будзеце сядзець моўчкі ў куце, пакуль у вашым дзіцячым пакоі будзе праходзіць ператрус. Нейкія людзі вам будуць гаварыць, што тата і мама «зьехалі, але абавязкова вернуцца». А калі за вамі прыйдуць, каб узяць у закладнікі і выкарыстоўваць супраць вашых жа бацькоў — вы нават наўрад ці зразумееце, што адбылося. Адзіная магчымасьць выказаць пазыцыю ў вашай сытуацыі — гэта не раўці. Што і робіць Данік, сын Андрэя Саньнікава і Ірыны Халіп. Бярыце з Даніка прыклад. Данік — сапраўдны сын пераможцаў», — піша Эва Някляева.
«Усё часьцей у тым, што нашым бацькам робяцьвельмі-вельмі балюча, вінаватыя не падпітыя крымінальнікі з раёна, а дзяржава.
Паглядзіце на вашых бацькоў і правядзіце невялікі тэст. У вашага бацькі баліць сэрца за краіну? Гэта мінус 1. Ён нармальны чалавек і хоча нешта зьмяніць? Мінус 1. Удзельнічае ў грамадзкіх ці палітычных рухах? Дакладна мінус 1. Пры гэтым, ён вядомы і паважаны чалавек? Яшчэ мінус 1.
Пры наборы ад мінус двух балаў пачынайце рыхтавацца. Рана ці позна, за татам прыйдуць.
Майго бацьку білі па галаве і пакінулі ляжаць без прытомнасьці ў сьнезе. Потым яго цягнулі па падлозе з ложка ў рэанімацыі, а яго жонку трымалі, пакуль яна крычала аб дапамозе. Вось ужо месяц яго, зьбітага, трымаюць у турме і не дапускаюць да яго нават адваката.
Я ім вельмі ганаруся. Гэтак жа, як ганаруся Саньнікавым і Халіп і ўсімі тымі, чые імёны складаюць доўгі сьпіс людзей, напалоханых дзяржавай.Гэта ж як трэба перапалохацца, каб вось так баязьліва напасьці на іх
Дзіўна, што да гэтага часу не было выдадзена кароткага дапаможніка аб тым, што рабіць, калі твой бацька становіцца вязьнем сумленьня. Яно б зараз шматлікім людзям спатрэбілася. Нашае пакаленьне, несумненна, выправіць гэта памылку — я толькі спадзяюся, што наступнаму пакаленьню ён ўжо не спатрэбіцца.
-
Рэжым Лукашэнкі часова стане менш агрэсіўным да суседзяў, але стратэгічна будзе імкнуцца да авалодання атамнай зброяй
-
«Знайшлі крайняга», а «паставяць салдафона якога-небудзь». У сацсетках адрэагавалі на звальненне кіраўніка «Мінсктранса»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
Каментары