Vestervele, Chiejh: Padziei 19 śniežnia byli padstrojeny samimi ŭładami
Ministry zamiežnych spraŭ Hiermanii, Brytanii zaklikajuć da sankcyj suprać łukašenkaŭcaŭ.
Ministry zamiežnych spraŭ Hiermanii, Brytanii zaklikajuć da sankcyj suprać łukašenkaŭcaŭ.
Jany apublikavali supolny artykuł u haziecie «
«Śviet z žacham naziraje, jak na praciahu apošnich šaści tydniaŭ režym u Biełarusi biaźlitasna i sistematyčna sprabuje razhramić hramadzianskuju supolnaść i parastki apazicyi ŭ Biełarusi», — pišuć jany.
«Hvałt u noč na 19 śniežnia šakavaŭ», — adznačajuć jany. Ale, praciahvajuć, samaje strašnaje represii ŭ Biełarusi «praciahvajucca i ciapier».
Čatyry kandydaty ŭ prezidenty i šmatlikija palityčnyja i hramadzianskija aktyvisty zastajucca ŭ źniavoleńni. Niekatoryja «kajucca» praz telebačańnie, pryhadvajuć jany, choć jašče niadaŭna vystupali zusim ź inšymi dumkami.
Ministry pišuć, što źbirajecca ŭsio bolš i bolš dokazaŭ, što padziei 19 śniežnia byli padstrojeny samimi ŭładami.
Bolš za 200 čałaviek prajšli praz dopyty, 700 — praz zatrymańni. Miniust ciśnie na advakataŭ. Tak apisvajuć situacyju ministry.
«Na majučaj adbycca sustrečy ministraŭ zamiežnych spraŭ Jeŭrapiejskaha Sajuza my budziem razhladać žorstki pakiet sankcyjaŭ u dačynieńni da Biełarusi. My nie možam zapluščvać vočy na toje, što adbyvajecca siońnia ŭ hetaj małoj jeŭrapiejskaj krainie.
Prezident Biełarusi Alaksandr Łukašenka zrabiŭ svoj vybar, i ŭ nas niama vybaru, akramia jak reahavać adpaviednym čynam».
Jany papiaredžvajuć, što ŭsio heta budzie sihnałam dla inviestaraŭ.
«My chočam, kab biełaruski narod zrazumieŭ, što ich jeŭrapiejskija siabry stajać ź imi popleč. I kali Biełaruś zachoča viarnucca ŭ jeŭrapiejskuju supolnaść nacyj, my budziem čakać jaje i radasna vitać», — tak skančajuć jany svoj artykuł.
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary