Ź lista Statkieviča: «Nie zrablu ničoha, za što było b soramna»
Padobna, što kandydat u prezidenty sapraŭdy spyniŭ haładoŭku.
U subotu hramadzianskaja žonka Mikoły Statkieviča Maryna Adamovič atrymała čarhovy list ź SIZA KDB. Sumniavacca ŭ hety raz u aŭtarstvie lista amal nie davodzicca.«Mikoła piša pra takija detalki, jakija moh viedać tolki jon. Ale i styl, i počyrk usio jahonaje. Raniej, pamiatajecie, my atrymlivali vielmi dziŭnyja listy. Na hety raz usio było adekvatna», — kaža Maryna Adamovič.
Ź lista vynikaje, što Statkievič sapraŭdy pierapyniŭ 12 studzienia haładoŭku.«Napisaŭ, što pryniaŭ rašeńnie spynić haładoŭku. Piša, što haładoŭka prachodziła vielmi ciažka na fonie traŭmy. Nie viedaju, ci heta traŭma była atrymanaja padčas Płoščy ci ŭžo paśla. U adnym miescy lista było napisana, što jamu stavili kropielnicu», — praciahvaje Maryna Michajłaŭna.
Ahułam kandydat u prezidenty Statkievič trymaŭ hałałoŭku na praciahu 24 dzion. Ciapier jon užo adnaviŭ štodzionnyja prahułki.
«Piša: «Moj hałodny złobny arhanizm źjeŭ bolšuju častku muskułatury. Ciapier, kab jaje adnavić, zajmajusia himnastykaj». Vyhladaje, što pieradački, chacia b častkova, da Mikoły dachodziać.
Napisaŭ, kab za jahony psichičny stan nie chvalavalisia. «Ja nie zrablu ničoha, za što b było soramna», — raskazvaje spadarynia Maryna.
List datavany 23 studzienia, ale dasłać jaho atrymałasia tolki na nastupny dzień.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary