Bolš za ŭsio pčołam spadabaŭsia arbitr — nie vyklučana, što z-za jaho jarka-žoŭtaj kašuli.
Padčas futbolnaha matču pamiž miascovymi kamandami Vista Hermosa i Alianza FC na stadyjon apuściŭsia vielizarny roj ... dzikich pčoł. Nasiakomyja ablapili hulcoŭ, hledačoŭ, łaŭki z trenierami i zapasnymi, varoty i navat telekamiery. Słužačyja stadyjona pasprabavali razahnać pčoł ručnikami, ale biespaśpiachova. Pryjšłosia ŭ śpiešcy ŭsim pakidać stadyjon. Bolš za ŭsio pčołam spadabaŭsia arbitr — nie vyklučana, što z-za jaho jarka-žoŭtaj kašuli. Matč pryjdziecca pierajhrać.
Napad pčoł na futbalistaŭ — nie takaja ŭžo redkaja padzieja. Paŭtara hoda tamu ŭ Zimbabve (Paŭdniovaja Afryka) matč pamiž miascovymi kamandami nižejšaj lihi pryjšłosia pierapynić užo ŭ siaredzinie pieršaha tajma taksama z-za nalotu pčołaŭ. Hulnia była pierapynienaja i admienienaja, bo supracoŭniki stadyjona nie zdoleli za hadzinu vyhnać pčoł sa stadyjona.
Ale historyja z futbalistami z Salvadora — sapraŭdy ŭnikalnaja źjava. Vosieńniu 2009 h. pčoły zalacieli na stadyjon «Acteki» u Miechika, dzie prachodziŭ adboračny matč na ČS-2010 u Paŭdniovaj Afrycy pamiž haspadarami, zbornaj Mieksiki, i zbornaj ... Salvadora! Na druhoj chvilinie matču roj pčoł uładkavaŭsia ŭ varotach Salvadora. Spatrebiłasia 10 chvilin i dva vohnietušylnika, kab prahnać niaprošanych nasiakomych.