Mahiloŭskaja aktyvistka BCHD pastaŭlena na prafiłaktyčny ŭlik u KDB
U Mahilovie aktyvistka arhkamiteta pa stvareńni partyi «Biełaruskaja chryścijanskaja demakratyja» Taćciana Šambałava pastaŭlena na prafiłaktyčny ŭlik u KDB.
Jak paviedamiła Šambałava, učora pozvaj pad rośpis jana była vyklikana na prafiłaktyčnuju hutarku va UKDB pa Mahiloŭskaj vobłaści. «Pytańni padčas hutarki, jakuju vioŭ śledčy Andrej Machunoŭ,
tyčylisia praktyčna ŭsiaho — žyćcia, biełaruskaj movy, majoj vučoby va ŭniviersitecie imia Mikałaja Kapiernika ŭ Toruni,
— skazała Šambałava. — Ale hałoŭnaja meta razmovy — paviedamić, što z 9 lutaha načalnik UKDB pa Mahiloŭskaj vobłaści Ihar Siarhiejenka pastaviŭ mianie na prafiłaktyčny ŭlik».
Šambałavaj uručana aficyjnaje papiaredžańnie za dziejnaść u składzie nie zarehistravanaj va ŭstanoŭlenym paradku partyi «Biełaruskaja chryścijanskaja demakratyja» i ŭdzieł u niesankcyjanavanaj akcyi ŭ Minsku 19 śniežnia 2010 hoda, što, na dumku supracoŭnikaŭ KDB, moža pryvieści da ŭčynieńnia złačynstvaŭ, praduhledžanych artykułami 193–1 i 293 KK.
«Ja sprabavała rastłumačyć, što isnuje arhanizacyjny kamitet i ludzi majuć prava źbiracca i pravodzić mierapryjemstvy pa padrychtoŭcy da praviadzieńnia ŭstanoŭčaha źjezda, kab stvaryć partyju», — skazała Šambałava. Jana taksama adznačyła, što padčas hutarki z Machunovym u kabiniecie prysutničaŭ jašče adzin čałaviek, jaki admoviŭsia nazvacca. Usia razmova doŭžyłasia kala paŭtary hadziny i prachodziła ŭ vietlivaj formie.
U KDB Šambałava pryjšła sa svaim pradstaŭnikom, pravaabaroncam Barysam Buchielem, adnak jon nie byŭ dapuščany na hutarku. «Zhodna z KPK my nie mahli nastojvać na prysutnaści pradstaŭnika», — patłumačyŭ Buchiel. Pavodle jaho słoŭ, papiaredžańnie budzie abskardžana.
Nahadajem, udzielnica padziej 19 śniežnia ŭ Minsku Taćciana Šambałava, źjaŭlajučysia davieranaj asobaj Vitala Rymašeŭskaha, była asudžana Zavodskim sudom Minska na 10 sutak aryštu pa č. 1 art. 23.34 KoAP (parušeńnie paradku arhanizacyi abo praviadzieńnia masavaha mierapryjemstva).
Ciapier čytajuć
Biełaruska pracuje ŭ Dubai rusałkaj, kab addać doŭh 20 tysiač dalaraŭ1
Kamientary