Jak ciapier prachodziać dopyty na miažy Biełarusi ź ES i kaho na ich vyklikajuć
Žurnalisty BGmedia sabrali, što ŭ apošnija dni pisali ŭ pamiežnych čatach pra pravierki telefonaŭ i dopyty na miažy.
U pamiežnych čatach adznačajuć, što «hutarki» prachodziać nie tolki na ŭjeździe ŭ Biełaruś, ale i na vyjeździe. Dva prykłady:
«Lida — Varšava ź pierasadkaj u Maryjampali [3 traŭnia]. U 11.25 zajechali da biełarusaŭ.
«Minsk — Vilnia, 04.05 na 11.00. U 13.30 padjechali da miažy, aŭtobusaŭ niama. U 14.37 prajšli pašpartny (z kimści doŭha hutaryli, pa vyniku vysadzili). U 14.50 zajechali da litoŭcaŭ. U 15.35 vyjazdžajem u Vilniu».
U asnoŭnym siłaviki dapytvajuć ludziej na ŭjeździe ŭ Biełaruś. Pryčym na dopyt možna trapić, kali hruba pahavaryć z pamiežnikami.
«Vilnia-Minsk, 03.05. U 16.00 zajechali na pašpartny da litoŭcaŭ, rečy ŭ aŭtobusie. U 16.46 zajechali ŭ RB. U 17.05 prajšli RB (zabrali na razmovu 3 čałaviek). U 19.25 vyjechali ź miažy (adzin čałaviek z nami nie pajechaŭ).
A vy viedajecie, durniaŭ na miažy značna bolš, čym zdajecca. Kiroŭca pierad miažoj vyrazna skazaŭ: pavodzić siabie spakojna, nie hrubić, nie chamić pamiežnikam. Ale znajšłasia adna kaza, jakaja nachabna pačała svarycca z pamiežnikami, hrubić i chamić. U kancy svarki pamiežnik skazaŭ: «Dziaŭčyna, vy čamu tak razmaŭlajecie, chočacie na razmovu?», a jana: «Dy kali łaska».
Litoŭcaŭ i biełarusaŭ my prajšli za 30 chvilin — za 30 chvilin prajšoŭ uvieś aŭtobus! A potym usie siadzieli i jaje čakali dźvie z pałovaj hadziny. Jaje nie vypuścili, zatrymali na sutki, my źjechali bieź jaje».
Dopyty na miažy Biełarusi ładziacca kožny dzień. Ale ŭ čatach redka pišuć padrabiaznaści.
«Aŭtobus adpraviŭsia z Varšavy ŭ 07.00 [29 krasavika]. Padjechali da palakaŭ u 10.30. Vyjšli tolki z pašpartami. U biełarusaŭ taksama chutka prajšli, siadzim u aŭtobusie, čakajem ludziej z razmovy. Ja liču, što pa časie prachodžańnia heta vydatna».
«Vilnia — Minsk, 29.04. Zajazdžajem u Biełaruś, aŭtobusaŭ niama. U 17.10 bolšaść prajšła miažu, čakajem dvuch čałaviek. U 18.35 adzin viarnuŭsia z dopytu, druhoha źniali, nakštałt, za admovu dekłaravać novuju techniku. Miaža projdzienaja. P.S. Kali vy vieziacie niešta novaje i nie źbirajeciesia dekłaravać, kali łaska, vykidajcie skrynki i viazicie jak b/k, nie prymušajcie ludziej čakać».
«Vilnia — Minsk, 30.04. U 13.04 ujezd u RB. U 13.40 z rečami na pašpartny kantrol + čakańnie ludziej z hutarak. U 15.10 adpuścili, vyjazdžajem u Minsk».
«Vyjazdžali ź Vilni ŭ 09.00 [30 krasavika]. Prajšli i litoŭskuju, i biełaruskuju chutka. Tolki paŭhadziny čakajem dvuch ludziej z aŭtobusa, ich zabrali na dopyt. Miaža pustaja».
«Aŭtobus Urocłaŭ — Pinsk, 01.05.25. U 17.45 prajšli polski pašpartny. U 18.30 zajechali ŭ RB. U 20.40 prajšli pašpartny ( čakali ludziej z razmovy). Čas polski».
«Čas pravierki ŭ RB vielmi časta zaležyć ad najaŭnaści ŭ aŭtobusach i maršrutkach pierad vami i ŭ vašym hramadzian z «peŭnymi» pašpartami i miascovych hramadzian z «peŭnymi» artykułami».
«RP — RB [2 traŭnia]. U 11.20 prajšli našyja. U 13.53 vyjechali, čakali čałavieka z razmovy».
«RP — RB [2 traŭnia]. U 12.10 pačaŭsia naš pašpartny. U 12.50 pašpartny prajšli. Staim i čakajem ludziej z hutarki, pierad nami čakajuć jašče dva aŭtobusy. U 13.10 usie prajšli».
«RP — RB, 03.05. U 20.25 pačali prachodzić pravierku dakumientaŭ na PP RB, 5 čałaviek na razmovy. U 21.23 vyjechali z KPP RB. Razam: 4,5 hadziny na prachodžańnie ad šłahbauma da šłahbauma».
«ŁT — RB. Aŭtobus [04 traŭnia]. 02.45 — RB. Dva vokny. Niekalki čałaviek paviali na sumoŭje. Čerhi ź lehkavych aŭto niama. Za hety čas prajšło tolki 2. Vyjezd za apošni šłahbaum RB u 04.10».
Jak siłaviki praviarajuć na miažy zamiežnikaŭ
U adnym z pamiežnych čataŭ raskazali, što 2 traŭnia ź Biełarusi nie vypuścili hramadzianku Rasii:
«2 traŭnia z našaha aŭtobusa, vyjazdžali ź Biełarusi ŭ Litvu, źniali hramadzianku Rasii. Na pahrankantroli na našym baku jana pradjaviła tolki ŭnutrany rasijski pašpart. Zamiežnaha ŭ jaje nie było. Praŭda, jana chacieła pakazać na telefonie, što, maŭlaŭ, na dziaržpasłuhach jon za joj ličycca, ale «žyŭcom» jaho ŭ jaje niama «za niepatrebnaściu»! Potym kiroŭca, tłumačačy doŭhuju zatrymku, skazaŭ, što druhi pašpart u jaje amierykanski».
Na miažy Biełarusi «hutarać» nie tolki z hramadzianami Ukrainy. Naprykład, z hramadzianami Kazachstana i Italii.
«Minsk — Varšava praz Maryjampole [2 traŭnia]. U 18.30 miaža RB. U 20.30 vyjezd (hadzinu adzin z pasažyraŭ z pašpartam Kazachstana ci niešta kštałtu taho hutaryŭ z mytnikami. U hety čas nas abjechaŭ inšy aŭtobus). U 21.00 ujezd na litoŭski bok. Kala 23 hadzin vyjechali (za pravoz butelki harełki źniali pasažyra, hadzinu čakali i źjechali bieź jaho). Pierasadka ŭ Maryjampale na Varšavu ŭ 02.00».
«My ź Italii. Jeździli ŭ krasaviku. Prosta budźcie hatovy, što pravierać kantakty vašaha muža ŭ telefonie na suviaź z ukraincami. U astatnim usio ok. Na ŭjeździe na terytoryju Rasii taksama budzie kantrol. My tam znachodzilisia hadzinu. Toje ž samaje: uziali telefon, pravieryli, zadali paru pytańniaŭ i pažadali dobraj darohi. U Rasii ŭsio ok. Nijakich niadobrazyčliŭcaŭ u adnosinach da hramadzian Jeŭrapiejskaha sajuza».
Čaściej za ŭsio ŭ čatach pišuć pra dopyty hramadzian Ukrainy na miažy Biełarusi.
Časam sami ŭkraincy raskazvajuć pra heta:
«My ŭčora [3 traŭnia] zajechali ŭ RB (hramadzianie Ukrainy). Biez prablem (z 2 dziećmi, 1 i 3 hady). Ale my na mašynie jechali. Pravieryli telefon (što tam praviarali, ja nie viedaju). Dopytu nie było. Prajšli abiedźvie miažy hadziny za paŭtary maksimum».
«Vilnia — Homiel, 30.04. U 01.25 zajechali ŭ RB (bolš za hadzinu čakali viartańnia hramadzian Ukrainy. U 03.20 prybyćcio ŭ Minsk».
«RP — RB, 01.05.25. U 16.10 zajechali ŭ RB. Z 16.20 da 17.00 pašpartny kantrol u biełarusaŭ. Čakali ŭkraincaŭ (6 čałaviek). U 18.30 vyjechali ź miažy».
«Vilnia — Minsk, 3 traŭnia. U 10.16 padjechali da biełarusaŭ (hramadzianie Ukrainy pajšli pieršymi, usie rečy na renthien). U 11.40 prajšli biełarusaŭ, vyjazdžajem u Minsk. Nasamreč, usie prajšli vielmi chutka, my byli pieršym i adzinym aŭtobusam na abiedźviuch miežach, ale doŭha čakali ŭkraincaŭ z razmovy».
«RP — RB [3 traŭnia]. Zajechali da RB u 05.15. Prajšli RB u 05.50, čakajem z dopytaŭ. Vyjechali ŭ Minsk u 7.10. Čakali ŭkraincaŭ z razmovy dadatkovuju hadzinu».
«Miunchien — Minsk, 04.05. U 10.00 ujezd u Biełaruś. Z 10.55 da 11.20 prajšli pašpartny. Čakajem 3 ukraincaŭ z sumoŭja. Čas niamiecki».
Kamientary
Ludi,kotorych dieržat ,v bolšinstvie,diejstvujut v ramkach zakona .No v zadieržkie na hranicie viniat vsiehda ich ,a nie sistiemu.