Piśmieńnica Volha Ipatava dasłała list, u jakim jana zajaŭlaje, što bolš nie padtrymlivaje A.Kazulina.
«U pieradačy radyjo «Svaboda» «Praski akcent» dvojčy padkreślivałasia, što ja — u šerahu ludziej «vakoł Kazulina». Chaču ŭ suviazi z hetym udakładnić svaju pazycyju.
Ja sapraŭdy bolš za hod tamu padpisała, siarod inšych, zvarot da narodu Biełarusi hramadzkaha abjadnańnia, jakoje ŭznačaliŭ Alaksandar Kazulin. Ale ŭ jahonuju kamandu ci partyju, tym bolej z časoŭ jahonaha kandydactva, ja nie ŭvachodziła i nie ŭvachodžu.
U čas Kanhresu demakratyčnych siłaŭ ja hałasavała za Milinkieviča i całkam padtrymlivaju jahonuju platformu, a taksama vyłučeńnie adzinaha kandydata.
Ale pry ŭsim tym ja nia stała b abviarhać słovy, što prahučali ŭ «Praskim akcencie» (urešcie, A.Kazulin zajaŭlaje pra siabie jak pra demakrata), kab nie jahonyja apošnija zajavy, u pryvatnaści, pra toje, što nam nie padychodziać «prazachodnija revalucyi» i što Łukašenka pavinien zastacca «stanoŭčym hierojem».
Ja liču, što sumlennych ludziej užo ŭ pracesie vyłučeńnia demakratyčnych kandydataŭ zahnali ŭ takija abcuhi, što adzinym srodkam damahacca praŭdy buduć mienavita vuličnyja akcyi. A što tyčyć stanoŭčaha hieroja — to niachaj heta zastajecca na sumleńni asabista spadara Kazulina».
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary