Paśla publikacyj u niezaležnaj presie ŭ Haradziščanskim domie-internacie paciapleła
Ciapło pryjšło taksama i ŭ žyły šmatkvaterny dom, dzie dahetul trymałasia tempieratura ad +7 da +12 hradusaŭ.
Ciapło pryjšło taksama i ŭ žyły šmatkvaterny dom, dzie dahetul trymałasia tempieratura ad +7 da +12 hradusaŭ
Jašče ranicaj ŭ paniadziełak 28 lutaha ŭ domie-internacie dla dziaciej-invalidaŭ z asablivaściami psichafizičnaha raźvićcia ŭ haradskim pasiołku Haradzišča Baranavickaha rajona tempieratura pavietra składała + 14—15 hradusaŭ. Heta na +6—8 hradusaŭ nižej za normu.
A ŭžo pa abiedzie batarei ŭ internacie stali nahravacca. Ciapier u pamiaškańniach paciapleła, paviedamili niezaležnaj baranavickaj haziecie «Intex-press», jakaja i ŭźniała hetuju prablemu, u administracyi doma-internata. Mienavita paśla publikacyi ŭ «IP», i nastupnych pieradrukaŭ ŭ inšych niezaležnych ŚMI, prablema była vyrašanaja.
Ciarpieli ad choładu ŭ Haradziščy i žychary šmatkvaternaha žyłoha doma na pa vulicy Jedunova, 50a. Da paviedamleńniaŭ u presie tam trymałasia tempieratura ad +7 da +12 hradusaŭ. Ciapier paciapleła i ŭ ich. Žychary doma paviedamili žurnalistam, što da kacielnaj padvieźli paliva.
Heta nie pieršy vypadak za apošni čas, kali dziakujučy publikacyjam u niezaležnych ŚMI paśpiachova vyrašalisia pobytavyja prablemy prostych žycharoŭ. Tak, mienš čym praz tydzień paśla publikacyi ŭ internet-zaziecie «Salidarnaść» repartaža pra dajarku Viktoryju Jeŭściahniejevu i jaje niepaŭnaletnich dziaciej, jakija žyli ŭ niečałaviečych umovach vioscy Staryja Ciaruški Minskaj vobłaści, žyllovaja prablema siamji była vyrašanaja.
-
Tomas Viencłava: «Litva i Biełaruś nikoli nie varahavali. Heta redki vypadak dla adnosin dvuch narodaŭ»
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
Kamientary