Karparacyja Pepsi raspracavała «pieršy ŭ śviecie anałah płastykavaj butelki, zrobleny vyklučna z raślinnych materyjałaŭ, jakija padlahajuć pierapracoŭcy».
Jak havorycca ŭ paviedamleńni kampanii, «butelka budučyni» składajecca ź sielskahaspadarčych adkidaŭ: krupinak prosa, chvajovaj kary i kukuruznaha šałupińnia. Navukoŭcy ŭžo nazyvajuć adkryćcio Pepsi «kancom ery tradycyjnych butelek z płastyka», piša hazieta Los Angeles Times.
Raślinnaja jomistaść całkam paŭtaraje malekularny budynak płastmasavaj. Hałoŭnym adroźnieńniem inavacyjnaj butelki ad tradycyjnaj stała admova ad vykarystańnia nafty pry jaje vyrabie. Raspracoŭščyki Pepsi znajšli kluč da vyrašeńnia zadačy: zamiest chimičnych palimieraŭ u skład materyjału, ź jakoha stvaralisia butelki, byli dadadzienyja arhaničnyja rečyvy — reštki ziernia, kary i kukuruzy.
Čalcy navukovaha departamienta Pepsi nie vyklučajuć, što ŭ budučyni butelki buduć vyrablacca taksama z šałupińnia apielsinaŭ i bulby. Hazieta adznačaje, što ŭsie nieabchodnyja dla stvareńnia ekałahična čystych butelek inhredyjenty Pepsi biare z ŭłasnaj vytvorčaści.
Za dva hady da adkryćcia Pepsi ab vyrabie inavacyjnaj butelki na asnovie raślinnych materyjałaŭ abviaščała
Ab nieabchodnaści pierachodu na pierapracoŭčuju taru zajaŭlali mnohija viadučyja kampanii śvietu, u pryvatnaści, najbujniejšy ŭ śviecie vytvorca kietčupaŭ Heinz.
