Hurt «Pałac» praciahvaje pieravydavać svaju spadčynu. Śledam za debiutnym albomam u prodažy źjaviłasia samaja niedaacenienaja prahrama Chamienki i kampanii – «Darožka». Jaje byli zapisali dziesiać hadoŭ tamu, i isnavała jana tolki na kasetach.
Hurt «Pałac» praciahvaje pieravydavać svaju spadčynu. Śledam za debiutnym albomam u prodažy źjaviłasia samaja niedaacenienaja prahrama Chamienki i kampanii – «Darožka». Jaje byli zapisali dziesiać hadoŭ tamu, i isnavała jana tolki na kasetach.
Zaŭvažcie, tady ŭ składzie hurtu byli i Jury Vydronak, i Źmicier Vajciuškievič, a dzie-nidzie padpiavali Vieranika Kruhłova i basist lehiendarnaha «Suzorja» Alaksiej Kazłoŭski. Na «Darožcy» – usia «pałacaŭskaja» smakata. Tut i folk-rok «Boram», «A ci doma» (hety šlach «Pałac» abiare nadalej), i psychadeličnyja folk-elektronnyja eksperymenty («Darožka», «Kazačeńka»), i namahańnie spałučyć biełaruskuju i suśvietnuju muzyčnuju tendencyju (anhielskamoŭnyja čytanki Kazłoŭskaha i hałašeńnie Kruhłovaj u «Freeze to me, mama»). A ŭ «Kazačeńki» muzyki skarystali staražytnaje tanha «Dona Klara» i hołas Hitlera. Da ŭsiaho jašče ž jość zusim nie charakternaja dla «Pałacu» paŭnočnaamerykanskaja indziejskaja pieśnia «Same Out of the Wilderness», suhučnaja z Pink Floyd. Mienavita ichni piracki varyjant uvajšoŭ koliś na skandalny videafilm «Niezvyčajny kancert».
A čaho vartaja kranalnaja pieśnia «Viecier», jakuju paśla Aleh Chamienka pryśviacić Stefanii Staniucie. Što samaje hałoŭnaje – na «Darožcy» čas nie adbiŭsia, hety albom hučyć absalutna aktualna ŭ 2006 h. Dla 1996 h. jon byŭ, vidać, zanadta śmieły. «Darožku» biez sumnievu možna ŭklučyć u asnoŭnyja zdabytki biełaruskaj sučasnaj muzyki.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary