Nahoda — artykuły ŭ «Gazetie Wyborczaj», na sajcie «Biełorusskij partizan» i ŭ błohu.
Sprava raspačataja pavodle č.1 art. 368 KK «Abraza prezidenta RB». Nahoda — artykuły ŭ «Gazetie Wyborczaj», na sajcie «Biełorusskij partizan» i ŭ błohu.
18 sakavika 2011 h. prakuror Hrodzienskaj vobłaści Marozaŭ V.M. zavioŭ suprać žurnalista Andreja Pačobuta kryminalnuju spravu. Žurnalista abvinavacili č.1 art. 368 KK «Abraza prezidenta RB». Pavodle prakuratury, abrazy Łukašenku Pačobut nanosiŭ na staronkach polskaj «Gazety Wyborczaj», sajta «Biełorusskij partizan», i svajho błoha poczobut.livejournal.com na praciahu 2010—2011 hh. Mahčyma, heta pieršy vypadak u Biełarusi kali kahości vinavaciać za abrazu dziaržčynoŭnika ŭ błohu.
Pra kryminalnuju spravu Pačobutu 28 sakavika paviedamiŭ u abłasnoj prakuratury śledčy pa najvažniejšych spravach Arsienij Nikolski.
Jak paviedamiŭ «Našaj Nivie» Andrej Pačobut, siońnia ŭ prakuratury jaho sprabavali dapytać u jakaści padazravanaha, ale jon admoviŭsia, zajaviŭšy, što budzie davać tłumačeńni tolki ŭ sudzie. «Mahčyma, pad upłyvam padziej vakoł Michaleviča, ale ŭ pratakole było paznačana, što na mianie ŭ chodzie razmovy nie akazvaŭsia cisk», — kaža žurnalist. Jaho aznajomili z abaviazkami padazravanaha, patłumačyŭšy, što jon abaviazany źjavicca ŭ prakuraturu pa pieršym vykliku. Jahonaja sprava nakiravanaja na papiaredniaje rasśledavańnie da načalnika śledčaha adździeła abłasnoj prakuratury Paškoŭskaha.
Apošni raz Pačobuta vyklikali ŭ prakuraturu 10 śniežnia. Žurnalist atrymaŭ aficyjnaje papiaredžańnie ad prakuratury Hrodzienskaj vobłaści za pracu biez akredytacyi na «Gazetu Wyborczu».
Andrej miarkuje, što jaho mohuć kinuć za kraty, ale nie źbirajecca źjazdžać ź Biełarusi. Kaža, što budzie dalej pracavać — pisać u «Vyborču», na «Biełpartyzan», u błoh.
«Gazeta Wyborcza» apieratyŭna zreahavała na padziei ŭ Biełarusi. Na sajcie vydańnia ŭ najhałoŭnym artykuł pra biełaruskaha karespandenta. U im źmieščany spasyłki na «abraźlivyja» artykuły žurnalista.
Nahadajem, što raniej za abrazu kiraŭnika krainy byli asudžanyja žurnalisty Mikoła Markievič, Pavieł Mažejka, Viktar Ivaškievič, palityk Andrej Klimaŭ, pradprymalniki Valer Levanieŭski i Alaksandr Vasiljeŭ, pravaabaronca Kaciaryna Sadoŭskaja.
Hladzi jašče: Paciarpieły Łukašenka. Kryminalnaja sprava N11025190007
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary