Pavodle rašeńnia Minharvykankama, arenda praciahnutaja nie budzie.
31 sakavika u «Partyi BNF» zaviaršajecca termin arendy ofisa, jaki raźmiaščajecca pa dobra ŭsim viadomym adrasie, praśpiekt Mašerava, 8 (Varvašeni, 8).Pavodle rašeńnia Minharvykankama, arenda praciahnutaja nie budzie i ŭžo 1 krasavika partyja Alaksieja Janukieviča pavinna vyzvalić pamiaškańnie. 17 sakavika, paśla niekalkich sprobaŭ vyrašyć prablemu niepasredna ŭ ŽREA, jakoje rasparadžajecca pamiaškańniem, lidar Partyi BNF Alaksiej Janukievič vystupiŭ z zajavaj, u jakoj zajaviŭ nastupnaje: «My rychtujem abaronu. Heta budzie niehvałtoŭny, ale supraciŭ. My arhanizujem družynu, jakaja budzie kruhłasutkava dziažuryć u budynku».
Adnak viečaram 29 sakavika na Upravie ŭsio ž pačali pakavać rečy, a ranicaj nastupnaha dnia ich vyvieźli vialikim furhonam u «nadziejnaje miesca».
«Vyvozilisia archiŭnyja rečy, — tłumačyć Alaksiej Janukievič. — Heta była takaja viesnavaja pryborka ofisu,— žartuje jon. My nie vyvozili rečaŭ, nieabchodnych dla pracy. Ofis zastajecca pracoŭnym. Tut budzie pracavać naša stałaja
U dalejšaj razmovie Alaksiej Janukievič taksama paćvierdziŭ rašeńnie adstojvać ofis lubymi zakonnymi sposabami. Palityk ličyć, što hałoŭny ź ich — infarmacyjnaja chvala i salidarnaść: «My adsiul sami nie vyjdziem ni ŭ jakim vypadku.
«My nie płanujem hvałtoŭnaha supracivu. Budzie infarmacyjnaja chvala, chvala salidarnaści, jakaja pavinna hetuju infarmacyjnuju chvalu pavialičvać.My chočam, kab tut kožny dzień adbyvalisia imprezy, kulturnickija sustrečy ź cikavymi asobami. Budziem padpisvać zvaroty».
Akramia hetaha, siabry PBNF źbirajucca ładzić u ofisie kruhłasutkavyja dziažurstvy. Płanujecca, što jany buduć adbyvacca pa vyznačanym na niekalki tydniaŭ napierad płanie, a ich hałoŭnaj metaj źjaŭlajecca nie dać supracoŭnikam ŽREA naviesić na ofis PBNF zamok. «My zrobim tut kruhłasutkavyja dziažurstvy, kab u našu adsutnaść siudy nie pryjšli dźvie ciotački z ŽESu, nie apłambavali pamiaškańnia i nie naviesili novaha zamka. Kali ŭłady chočuć niezakonna adabrać u nas hetaje pamiaškańnie, to im daviadziecca hvałtoŭna adsiul ludziej vynosić», — kaža Alaksiej Janukievič.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary