U Budzimira źjaviŭsia paśladoŭnik
Jašče adzin haładoŭščyk patrabuje vyzvaleńnia Lichavida.
49-hadovy žychar Voršy, udzielnik padziej 19 śniežnia Siarhiej Małaletkin z 1 krasavika abviaściŭ haładoŭku na znak salidarnaści z palitviaźniem Mikitam Lichavidam.
«29 sakavika sudździa pryznała 20-hadovaha aktyvista ruchu „Za svabodu“ Mikitu Lichavida vinavatym va ŭdziele ŭ masavych biesparadkach 19 śniežnia i asudziła na try z pałovaju hady kalonii ŭzmocnienaha režymu. Ja vierujučy čałaviek. I nie mahu ciarpieć niespraviadlivaść. Kali suprać niespraviadlivaha prysudu haładuje 20-hadovy junak, ja prosta fizyčna nie mahu navat dumać pra ježu. Ja sam baćka, u mianie 18-hadovy syn i 28-hadovaja dačka, i tamu ja prosta abaviazany padtrymać Mikitu. Budu haładavać stolki ž, kolki budzie trymać haładoŭku jon!» — zajaviŭ «Svabodzie» Małaletkin.
Małaletkin haładuje ŭ siabie doma. Kaža, što ŭžo maje dośvied haładovak. Z ranicy 1 krasavika jon užyvaje tolki pitnuju vadu.
Spadar Małaletkin taksama byŭ udzielnikam mienskaj akcyi 19 śniežnia. Padčas razhonu Płoščy-2010, jak jon raspaviadaje, jamu vybili zuby, złamali ruku, nanieśli inšyja cialesnyja paškodžańni. Za ŭdzieł u akcyi sud aštrafavaŭ jaho na 30 bazavych vieličyń — 1 miljon 50 tysiač rubloŭ.
Hladzi jašče: Haładoŭka błohiera Budzimira
Kamientary