Sioletni zakonaprajekt «The Belarus Democracy Reauthorization Act of 2011» praduhledžvaje šerah dadatkovych zachadaŭ.
Senat ZŠA raspačaŭ u sieradu razhlad pytańnia ab padaŭžeńni terminu dziejańnia «Aktu ab demakratyi ŭ Biełarusi» — zakonaprajektu, pryniataha Kanhresam u 2004 hodzie.
Prezentujučy nazvany dakument, senatar Džon Kery vystupiŭ z nastupnaj zajavaj:
My nie zabylisia pra narod Biełarusi — i nie zabudziemsia.
«Bolš za sto dzion prajšło paśla taho, jak Alaksandar Łukašenka inscenizavaŭ ašukanskija vybary, aryštavaŭ kandydataŭ, jakija paśmieli balatavacca suprać jaho i zdušyŭ dostup biełarusaŭ da svabodnaj presy i infarmacyi. Niahledziačy na toje, što ŭvaha mižnarodnych medyjaŭ pieramiaściłasia da inšych padziejaŭ, my nie zabylisia pra narod Biełarusi — i nie zabudziemsia. Šmatlikija hieraičnyja asoby dahetul marniejuć u turmie, biaz dostupu da svaich siemjaŭ i jurydyčnaj dapamohi.
Padaŭžajučy pastanovu ab dapamozie biełaruskamu hramadztvu, Złučanyja Štaty robiać, što mohuć dla spryjańnia svabodnamu abmienu idejami i alternatyŭnym lideram Biełarusi. Biełarusy majuć hetkaje ž prava na samakiravańnie i svabodu vyjaŭleńnia, jak i ich susiedzi. Nielha dazvolić apošniaj dyktatury Eŭropy isnavać biez adporu.
«Akt ab demakratyi ŭ Biełarusi» zaklikany spryjać demakratyčnamu raźvićciu, pravam čałavieka i viaršenstvu zakonu ŭ Biełarusi, a taksama padtrymlivać zaćviardžeńnie i ŭmacavańnie niezaležnaści krainy. Zakon praduhledžvaje vydatkavańnie nieabchodnaj dapamohi dla niedziaržaŭnych arhanizacyjaŭ, niezaležnych medyjaŭ, uklučna z radyjo i televizijnym viaščańniem na Biełaruś, a taksama pašyreńnie mižnarodnych abmienaŭ.
Sioletni zakonaprajekt ab padaŭžeńni dziejnaści Aktu («The Belarus Democracy Reauthorization Act of 2011») praduhledžvaje šerah dadatkovych zachadaŭ.
Najbolš istotnyja papraŭki da tekstu 2004 hodu, dziejańnie jakoha było praciahnutaje ŭ 2006 i 2008 hh., uklučajuć:
a) rekamendacyju prezydentu ZŠA padtrymać viaščańnie Radyjo Svaboda, Hołasu Ameryki, Eŭrapiejskaha radyjo dla Biełarusi i Biełsatu;
b) rekamendacyju prezydentu vydzialać adpaviednyja sumy hrošaj na padtrymku demakratyi ŭ Biełarusi ŭ
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary