Heta prahučała ŭ jahonym vystupie na ekstranaj naradzie, što tranślavaŭsia dziaržaŭnym telebačańniem.
«Kryć niama čym. U hetym vinavaty tolki my», — pryznaŭ Alaksandr Łukašenka.
«Biez vas nam ciažka budzie znajści hetych urodaŭ. Nam treba budzie vaša dapamoha», — źviarnuŭsia jon da hramadzianaŭ.
«Praanalizujcie, kamu nie padabałasia stabilnaść», — zapatrabavaŭ Łukašenka ad siłavikoŭ. Jahony hołas nie vydavaŭ emocyj, u jahonaj mimicy i žestykulacyi nie było niervoznaści.
«Mužyki, nam kinuty surjozny vyklik, patrebny adekvatny adkaz i jon pavinien być znojdzieny», — zajaviŭ Łukašenka.
«Ja vas papiaredžvaŭ, što nam spakojnaha žyćcia nie daduć. Chto jany? I z adkazam na hetaje pytańnie prašu paśpiašacca», — padkreśliŭ Łukašenka.
Jon zahadaŭ pryniać dapamohu Rasii ŭ rasśledavańni terakta i ŭ akazańni dapamohi paciarpiełym.
Łukašenka daŭ zahad abvieścić dzień žałoby ŭ Minsku.
A 20.15 Alaksandr Łukašenka prybyŭ na miesca zdareńnia. Raniej jon zajaviŭ, što «ŭziaŭ situacyju ŭ Minsku pad asabisty kantrol».
Što heta budzie aznačać? Možna padumać, što dahetul jana była nie pad jahonym asabistym kantrolem.
Za anałahičnym teraktam 3 lipienia 2008 hoda išła chvala aryštaŭ i pieratrusaŭ, najpierš u palityčnych praciŭnikaŭ Alaksandra Łukašenki.
BT pakazała, što Łukašenka ŭskładaŭ kvietki na miesca zdareńnia razam z maleńkim synam Kolem. Łukašenka išoŭ pamiž łužyn kryvi, jamu padniali stužačku, jon pakłaŭ kvietki.
Adnak na fotach BiełTA jon fihuruje biez Koli, z Makiejem. Najbližejšy da jaho — načalnik jahonaj Słužby biaśpieki Uciuryn.
