«Cieniavy» kurs dalara adkidvaje siaredni zarobak biełarusaŭ da hod nazad. Ci navat da pačatku 2008 hoda.
Biełaruś pa-raniejšamu zajmaje pieradapošniaje miesca siarod susiednich krainaŭ pa pamiery siaredniaha zarobku. Adstavańnie składaje niekalki razoŭ, u zaležnaści ad taho, na jaki kurs dalara aryjentavacca.
Kali vieryć aficyjnaj statystycy i Nacbanku, to siaredni zarobak biełarusaŭ za sakavik składaje $510. Kali ž pieraličvać dalar chacia b pa kursie 4000 rubloŭ, to ŭ kišeni biełarusa zastajecca ŭsiaho $385. Pry takim padychodzie siaredni zarobak u Biełarusi viartajecca na ŭzrovień hadavoj daŭniny. Taki ž pakazčyk byŭ i za hod da adnamomantavaj devalvacyi pačatku 2009 hoda.
Što ž u susiedziaŭ? Mienš za biełarusaŭ usio jašče atrymlivajuć ukraincy. Ich zarobak nijak nie dapaŭzie navat da $300. A voś astatnija susiedzi adarvalisia jak minimum u dva razy.
Rasija maje siaredniestatystyčnyja $750. Pieradusim hetyja ličby dasiahajucca za košt vysokich zarobkaŭ u Maskvie.
Zachodnija susiedzi jašče bahaciejšyja. Litoŭcy z łatvijcami trymajucca prykładna na adnym uzroŭni, ź nievialikaj pieravahaj Łatvii, ale abiedźvie krainy nie mohuć viarnucca da dakryzisnych zarobkaŭ. Tady prybałty atrymlivali kala $1000.
Lidary rehijony - palaki. Ich siaredni zarobak składaje kala $1260.
Nahadvajem, što zarobki pryviedzienyja biez vyliku padatkaŭ.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary