Kala padjezdaŭ, dzie žyvuć viciebskija mierkavanyja «terarysty», dziažuryć milicyja
Na niekatorych sajtach źjavilisia paviedamleńni, što ŭ kvaterach, dzie žyli chłopcy, niechta pavybivaŭ vokny, ale susiedzi hetaha nie paćviardžajuć.
Milicyjant u cyvilnym cikavicca asobaju kožnaha, chto padychodzić da dźviarej, i prapuskaje tolki tych, chto tut žyvie albo kaho čakajuć haspadary. Heta — dziela biaśpieki svajakoŭ padazravanych, patłumačyŭ supracoŭnik MUS.
Paśla taho jak proźviščy viciebskich chłopcaŭ, jakich vinavaciać u terakcie 11 krasavika, źjavilisia ŭ internecie, takija zachady stali nieabchodnyja, zajaviŭ supracoŭnik milicyi, jaki dziažuryć kala piacipaviarchovika pa vulicy Repina. Na niekatorych sajtach źjavilisia paviedamleńni, što ŭ kvaterach, dzie žyli chłopcy, niechta pavybivaŭ vokny, ale bližejšyja susiedzi hetaha nie paćviardžajuć.
Źviestki pra toje, što svajakoŭ zabrali nieviadomyja ŭ cyvilnym dy vyvieźli ŭ nieviadomym kirunku, taksama vyklikajuć sumnievy ŭ tych, chto žyvie pobač.
«Maci K. vielmi prystojnaja žančyna, my ź joj vitajemsia. Ja nia čuŭ, kab niechta jaje asudžaŭ ci ahresiŭna staviŭsia da jaje. Mahčyma, svajaki źjechali sami, kab im nie nazalali žurnalisty, abo heta zroblena ŭ intaresach śledztva», — miarkuje adzin z susiedziaŭ.
Razmaŭlać z žurnalistami pra syna maci zatrymanaha Ŭłada K. kateharyčna admoviłasia. Jana zajaviła, što ŭ ŚMI «pieramiešvajuć brud, a praŭdy nikoli nia skažuć»
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary