Staršynia kamitetu pa spravach SND: Rost cen na enerharesursy značna nie paŭpłyvaje na chod intehracyi Biełarusi i Rasiei
«Biełaruś i Rasieja dasiahnuli za apošnija niekalki hadoŭ najvyšejšaha ŭzroŭniu intehracyi, i hety praces niezvarotny».
13 śniežnia, Mahiloŭ /Siarhiej Kulahin - BIEŁTA/. Rost cen na enierharesursy značna nie paŭpłyvaje na chod intehracyi ŭ ramkach Sajuznaj dziaržavy. Takuju dumku vykazaŭ siońnia žurnalistam staršynia Kamiteta pa spravach SND, sustaršynia Mižparłamienckaj kamisii Savieta Respubliki Nacyjanalnaha schodu Biełarusi i Savieta Fiederacyi Fiederalnaha schodu Rasijskaj Fiederacyi Vadzim Hustaŭ. Jon prymaje ŭdzieł u pasiadžeńni Mižparłamienckaj kamisii ŭ Mahilovie.
Pavodle słoŭ Vadzima Hustava, Biełaruś i Rasija dasiahnuli za apošnija niekalki hadoŭ najvyšejšaha ŭzroŭniu intehracyi, i hety praces niezvarotny. U Sajuznaj dziaržavie raspracavany i dziejničajuć 40 značnych sumiesnych prahram. U chodzie ich realizacyi stvorany dziesiatki tysiač novych rabočych miesc, šerah halin pramysłovaści atrymaŭ novy impuls i pierśpiektyvy raźvićcia. Hetak ža aktyŭna raźvivajucca intehracyjnyja pracesy i ŭ ramkach JeŭrAzES. U pryvatnaści, užo padrychtavana 38 roznych pahadnieńniaŭ, i da 2009 hoda pastaŭlena zadača vyjści za zaklučeńnie Mytnaha sajuza, a heta najvyšejšy ŭzrovień intehracyi.
Što datyčycca rostu cen na enierharesursy, to Rasija vymušana ich pavyšać, ustupajučy ŭ hłabalny suśvietny rynak, pad naciskam jeŭrapiejskich dziaržaŭ, adznačyŭ staršynia Kamiteta pa spravach SND. Kali ceny buduć raści pastupalna, to «dla Biełarusi tut niama nijakaj trahiedyi». U pieršuju čarhu heta datyčycca cen na haz, dadaŭ Vadzim Hustaŭ.
Fota russia-today.ru
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki42
Kamientary