Ukraina maje namier supracoŭničać z Mytnym sajuzam Biełarusi, Kazachstana i Rasii, ale nie płanuje ŭ jaho ŭstupać,
zajaviŭ ministr zamiežnych spraŭ Ukrainy Kanstancin Hryščanka, vystupajučy 22 krasavika va ŭkrainskim parłamiencie.
«Ukraina maje namier uzajemadziejničać z Mytnym sajuzam
Pavodle jaho słoŭ,
Ukraina abjaviła stratehičny kurs na jeŭraintehracyju, častkaj jakoha źjaŭlajecca stvareńnie zony svabodnaha handlu ź ES.
Adpaviednyja pieramovy z Brusielem Kijeŭ spadziajecca zaviaršyć da kanca 2011 hoda. Ministr padkreśliŭ, što Ukraina nie źbirajecca mianiać hety kurs.
Razam z tym, adznačyŭ Hryščanka, dla Ukrainy «vielmi važna», kab umovy handlu z Rasijaj, Biełaruśsiu i Kazachstanam nie pahoršylisia.
Jon zajaviŭ, što Ukraina nie vyklučaje padpisańnia pahadnieńnia ab zonie svabodnaha handlu z Mytnym sajuzam. Pry hetym ministr dadaŭ: Kijeŭ maje prava zaklučać dvuchbakovyja pahadnieńni ab stvareńni takoj zony.
Jon nahadaŭ, što Ukraina viadzie pieramovy ab svabodnym handli z Turcyjaj, Izrailem, Kanadaj.
Varta adznačyć, što raniej kiraŭnictva krainy nie vyklučała ŭvachodžańnia Ukrainy ŭ Mytny sajuz Biełarusi, Kazachstana i Rasii.
«Heta mahčyma, ale ŭ nas jość pracedury, jakija my pavinny prajści», — zajaviŭ ukrainski prezident Viktar Janukovič u listapadzie 2010 hoda na sumiesnaj kanfierencyi z prezidentam RF Dźmitryjem Miadźviedzievym. Janukovič rastłumačyŭ, što havorka idzie pra źmianieńni ŭ Kanstytucyju Ukrainy, jakija mohuć być uniesieny pa rašeńni parłamienta abo paśla praviadzieńnia ŭsienarodnaha refierendumu.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary