Pra heta Aleś paśpieŭ paviedamić staršyniu Partyi BNF Alaksieju Janukieviču. Nibyta jaho buduć sudzić za bojku.
Sud Čyhunačnaha rajona Homiela pakaraŭ adkaznaha sakratara ŭpravy Partyi BNF Alesia Kalitu 10 sutkami administracyjnaha aryštu. Takoje rašeńnie vynies sudździa Jarasłaŭ Paremski.
Pavodle homielskaha pradstaŭnika Biełaruskaha Chielsinskaha kamiteta, jaki prysutničaŭ na sudovym pasiadžeńni i byŭ śviedkam kanvairavańnia Alesia Kality z zali sudu ŭ aŭtazak, aryštavany hučna zajaviŭ, što jon u znak pratestu abviaščaje haładoŭku na ŭvieś termin utrymańnia pad vartaj.
Były staršynia «Moładzi BNF» Aleś Kalita zatrymany ŭ noč z 23 na 24 krasavika homielskimi milicyjantami.
Pra heta Aleś paśpieŭ paviedamić staršyniu Partyi BNF Alaksieju Janukieviču, pieradaje pres-słužba partyi. U 00.20 jon atrymaŭ sms ź nieznajomaha numara ab tym, što Aleś Kalita zatrymany. Aleś viartaŭsia z Ukrainy i jechaŭ na pachavańnie dziaduli.
Pryčyny zatrymańnia aktyvista nieviadomyja. Ale viadoma, što
Aleś słužyŭ u toj ža vajskovaj častcy pad Lepielem, što i mierkavany vykanaŭca teraktu D.K.
Tamsama słužyŭ i inšy palitrekrut Ivan Šyła.
Jak viadoma, praz hadzinu paśla teraktu na naradzie Alaksandr Łukašenka zapatrabavaŭ ad siłavikoŭ: «Praanalizujcie, kamu nie padabałasia stabilnaść».«Ja vas papiaredžvaŭ, što nam spakojnaha žyćcia nie daduć. Chto jany? I z adkazam na hetaje pytańnie prašu paśpiašacca», — padkreśliŭ Łukašenka.
U svaim zvarocie da nacyjanalnaha schodu i parłamienta 21 krasavika jon, adnak, zajaviŭ, što pakul ni palityki, ni suviazi z kryminalitetam za teraktam nie prasočvajecca. Tym nie mienš, pravaabaroncu ź Viciebska, byłoha milicyjanta Paŭła Levinava zatrymali «pa padazreńni ŭ datyčnaści da teraktu», a ŭ dziaržaŭnych ŚMI prakaciłasia chvala publikacyj, jakija ŭviazvali vybuch z apazicyjaj.
Administratyŭny pratakoł na Kalitu byŭ składzieny za drobnaje chulihanstva (artykuł 17.1 KaAP).
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady4
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary