Prymianieńnie lohiki rasiejskich pradstaŭnikoŭ niebiaśpiečnaje poŭnym zhortvańniem dvuchbakovaha handlu.
Biełaruski bok ličyć absurdnym padychod rasijskaha boku da pytańnia pastavak cukru ź Biełarusi i vystupaje za padpisańnie doŭhaterminovaha mižuradavaha pahadnieńnia pa hetamu pytańniu. Ab hetym u hutarcy z karespandentam BIEŁTA paviedamiŭ pradstaŭnik biełaruskaj delehacyi, jakaja prybyła ŭ Maskvu dla ŭdziełu ŭ pasiadžeńni Vyšejšaha Dziaržsavieta Sajuznaj dziaržavy.
U pryvatnaści, u dakumiencie prapanujecca ahavaryć abjom pastavak burakovaha cukru ź Biełarusi ŭ kolkaści 400-450 tys.t, a taksama praduhledzieć uzajemnuju admienu abmiežavańniaŭ u handli cukram i mahčymaść štohadovaha pavieličeńnia na 5 pracentaŭ abjomu biełaruskaha cukru, što pastaŭlajecca na rasijski rynak.
Jak adznačyŭ subiasiednik, niahledziačy na damoŭlenaści prezidentaŭ Biełarusi i Rasii ab apieratyŭnym urehulavańni pytańnia pastavak biełaruskaha cukru ŭ RF, dasiahnutyja ŭ čas sustreč u listapadzie, situacyju pa hetamu pytańniu nie ŭdałosia narmalizavać.
Ciapier vahony ź biełaruskim cukram prastojvajuć na Trajakuraŭskim mytnym pastu. Rasijski bok pradaŭžaje nastojvać na pryznańni praduktam biełaruskaha pachodžańnia pastaŭlajemaha ź Biełarusi cukru ŭ kolkaści da 100 tys.t - heta roźnica pamiž abjomami jaho vytvorčaści i ŭnutranaha spažyvańnia ŭ Biełarusi. Mienavita hetu kolkaść prapanujecca dazvolić da pastaŭki ŭ Rasiju biez abmiežavańniaŭ.
Na dumku pradstaŭnika biełaruskaj delehacyi, taki padychod rasijskaha boku źjaŭlajecca absurdnym: prymianieńnie łohiki rasijskich pradstaŭnikoŭ da pastavak inšych hrup tavaraŭ niebiaśpiečna poŭnym zhortvańniem dvuchbakovaha handlu.
Takija padychody, naprykład, nie dali b mahčymaści Rasii ekspartavać u Biełaruś abutak, bolšaja častka jakoha maje pachodžańnie z trecich krain, biez mytnaha afarmleńnia. Anałahičnaja situacyja nazirajecca pa mnohich inšych pazicyjach rasijskaha ekspartu, u pryvatnaści pa pivu, šakaładu, kansiervach z ekzatyčnych pładoŭ, tytuniovych vyrabach
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary