Pačobut z turmy: Vynik mienš važny, čym praces

U błohu hrodzienskaha žurnalista Andreja Pačobuta źjaviŭsia list z turmy. Jaho raźmiaściła jahonaja žonka. Samoha žurnalista, što kinuŭ vyklik KDB, abvinavacili ŭ abrazie prezidenta i paklopie na jaho i «zakryli». Voś tekst lista.

Viečar. Sukamiernik Tola, jakoha sudziać za machlarstva, piša praciah «Maŭhli», i vielmi pieražyvaje, što jaho moža padmanuć vydaviec, ja ž pišu vam list. Andrej Pačobut napisaŭ z turmy.

Vy napeŭna za mianie pieražyvajecie? A ja pieražyvaju za vas. Ci nie zapałochaŭ vas moj paciarpieły? Ci nie pałamaŭ? U mianie tut usio ŭ paradku. U turmie jak u turmie. Da tutejšaj rečaisnaści ja chutka adaptavaŭsia. Čas zabivaju čytańniem knih (dziakuj Arłovu) i fizičnymi praktykavańniami. Tak jak basiejn tut nie pałožany, abmiažoŭvajusia spartanskimi: adciskańni, praktykavańniami dla presa, prysiadańniami… U vyniku cieła hudzić. Dziakuj za vinšavańni z Dniom naradžeńnia. U takich umovach mnie jaho śviatkavać jašče nie davodziłasia. Usio było ścipła i pa-spartansku. Ale śviata było, byli vinšavańni i navat ścipły padarunak ad sukamiernikaŭ.

Listy pišu redka.

Pakolki pisać va ŭmovach cenzury nie pryvyk.

Tolki tut zrazumieŭ, jakija pačućci apanoŭvajuć rabotnikaŭ dziaržaŭnych ŚMI, kali nielha napisać samaje cikavaje tamu, što cenzura nie prapuścić. Roźnica tolki ŭ tym, što mianie siudy «zakatali», a jany sami dobraachvotna apranuli našyjniki. Ale chvalavacca za ich nie budziem, kožnamu svoj los naležyć

Ź nieciarpieńniem čakaju suda, dumaju jon budzie vielmi viasiołym i navat kamiedyjnaj padziejaj. Finał jaho, viadoma ž, viadomy, ale heta toj vypadak, kali vynik mienš važny čym praces.

Uvohule, ŭdačy! Pośpiechaŭ! Viery!

poczobut.livejournal.com.

* * *

Haradzienski žurnalist Andrej Pačobut byŭ aryštavany roŭna miesiac tamu, 6 krasavika, i źmieščany pad vartu.

Suprać žurnalista zaviedzienyja adrazu dźvie kryminalnyja spravy: abvinavačvańnie ŭ abrazie Łukašenki (častka I, artykuła 368 Kryminalnaha kodeksu) i ŭ paklopie na jaho (častka I, artykuł 367 KK). Heta źviazana z publikacyjami ŭ «Gazece Wyborczaj» i błohach Andreja Pačobuta.

Z 2006 hoda A. Pačobut źjaŭlajecca karespandentam «Gazety Wyborczej» na Biełarusi. U 2005 hodzie suprać jaho ŭžo była zaviedziena kryminalnaja sprava. 2 hady jon mieŭ zabaronu na vyjezd ź Biełarusi. Adnak u 2007 hodzie sprava była zakrytaja «u suviazi z adsutnaściu składa złačynstva».

Ad 2005 hodu Pačobuta nieadnarazova zatrymlivała milicyja, jon atrymlivaŭ štrafy i byŭ administracyjna aryštavany za svaju aktyŭnuju hramadskuju pazicyju.

Andrej Pačobut akramia pracy u «Hazecie Vyborčaj» i SPB zajmajecca historyjaj śpiecsłužbaŭ SSSR i ŭzbrojenaha antysavieckaha supracivu na našych ziemlach, asabliva cikavicca dziejnaściu AK.

Žanaty, maje 10-hadovuju dačku i syna, jakomu adzin hod.

• 0
• 0
• 0
• 0
• 0
• 0
• 0
• 0