Amnesty International zaklikaje Iran admovicca ad aślapleńnia złačynca siernaj kisłatoj
Mižnarodnaja pravaabarončaja arhanizacyja Amnesty International ŭłady zaklikaje Irana spynić vykanańnie prysudu, pavodle jakoha iraniec Madžyd Mavachedzi pavinien być aślepleny siernaj kisłatoj.
Pavodle dadzienych pravaabaroncaŭ, u kožnaje voka Mavachedzi pavinny być uviedzienyja piać kropiel kisłaty.
U 2008 hodzie iranski sud prysudziŭ Mavachedzi da takoha pakarańnia za toje, što ŭ 2004 hodzie jon abliŭ siernaj kisłatoj dziaŭčynu Amieni Bachrami, jakaja admoviłasia vyjści za jaho zamuž.
U subotu, 14 maja, u Tehieranie Amieni Bachrami ŭłasnaručna pryviadzie ŭ vykanańnie prysud.
«Niahledziačy na toj žach, jaki pieraniesła Bachrami, heta zanadta žorstkaje i biesčałaviečnaje pakarańnie. Iranskija ŭłady pavinny razumieć, što parušajuć normy mižnarodnych pravoŭ čałavieka», - skazaŭ Chasiba Chadžy Sachary, namieśnik dyrektara arhanizacyi pa Blizkim Uschodzie i Paŭnočnaj Afrycy.
Bachrami paznajomiłasia z Mavachedzi ŭ 2002 hodzie, jany razam vučylisia ŭ adnym univiersitecie. Tady joj było 24 hady, a jamu hadoŭ 19.
Pavodle jaje słoŭ, na praciahu nastupnych dvuch hadoŭ Mavachedzi pieraśledvaŭ jaje i pahražaŭ zabić, kali jana nie vyjdzie za jaho zamuž.
A ŭ listapadzie 2004 hoda jon abliŭ jaje tvar siernaj kisłatoj, kali jana sadziłasia ŭ aŭtobus.
Bachrami pieraniesła niekalki dziesiatkaŭ apieracyj, dziakujučy jakim joj udałosia častkova adnavić zrok.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja50
Kamientary