Baćki žurnalistki Natalli Radzinaj Valancin Dźmitryjevič i Nadzieja Maksimaŭna kažuć, što Natalla telefanuje niačasta. Razmovy davoli karotkija, ale hałoŭnaje, što z dačkoj usio ŭ paradku. Natalla Radzina bolš za miesiac praviała ŭ SIZA KDB jak źvinavačanaja ŭ arhanizacyi «masavych biesparadkaŭ» 19 śniežnia letaś. Paźniej žurnalistku vypuścili pad padpisku ab niavyjeździe, jana žyła ŭ Kobrynie. 31 sakavika Natalla ŭciakła za miažu.
Valancin Dźmitryjevič kaža, što Natalla telefanuje, ale mała raspaviadaje pra siabie. U razmovie hałoŭnym čynam padtrymlivaje baćkoŭ, prosić nie chvalavacca, sačyć za svaim zdaroŭjem: «Ničoha praktyčna nie skazała nam pra toje, dzie jana, ci pracuje, dzie znachodzicca. Maci zadała joj hetaje pytańnie, ale Natalla tak ničoha i nie adkazała. Tamu my paźniej pierastali hetaje pytańnie ahučvać. Hałoŭnaje, što pierakanalisia, što ŭ jaje ŭsio ŭ paradku».
Pavodle baćki žurnalistki, Natalla viedaje pra padziei ŭ krainie, aburajecca prysudami kandydatam u prezidenty. Z boku milicyjantaŭ i KDB u adnosinach da baćkoŭ niama niejkich pravakacyj ci pieraśledu: «Ciapier usio ŭ paradku. Kali Natalla była, dyk sačyli. A paśla taho jak jana źjechała, dyk byli prablemy. Ale ciapier nie prychodziać dy nie telefanujuć nam».
Nadzieja Maksimaŭna Radzina kaža, što paśla adjezdu Natalli mocna pieražyvała. Ale šmat chto ź nieabyjakavych ludziej telefanavaŭ, vykazvaŭ svaju padtrymku: «Sa zdaroŭjem šmat prablem. Ale, jak mnie padajecca, ciapier niama całkam zdarovych ludziej. Davodzicca ŭžyvać leki. Pracy šmat. Viadoma, siamiejnyja prablemy ciažka adbivajucca. Saču za navinami. Žach, što ciapier adbyvajecca ŭ krainie. U nas zaraz niama kampjutara. Ale my hladzim telekanał „Biełsat“. Nabyvajem hazety, pakul jany jašče pradajucca».
Być abyjakavym da ciapierašniaj sytuacyi niemahčyma, kaža maci žurnalistki: «Ciapier usio idzie da poŭnaha razvału. Heta prosta žach. Ludzi ŭžo na miažy ciarpieńnia. Uvohule tak skłałasia, što źnikła Natalla, potym vybuch u mietro adbyŭsia. Ja žyła na adnych lekach. A jašče takija sny ciažkija śnilisia. Strašna było».
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary