Paśla zajavaŭ Łukašenki ŭ Astanie i pačatku antyrasijskaj kampanii ŭ dziaržSMI ŭ analityki schilajucca da taho, što łukašenkaŭcy vyrašyli zusim nie brać kredytu ad JeŭrAzES, kab nie vykonvać vystaŭlenych umovaŭ.
Rynak bieznajaŭnaj valuty zastajecca paralizavany. Dalar na čornym rynku ŭsio raście.
Jak kažuć u bankach, ad aŭtorka bieznajaŭnyja dalary praktyčna nie pradajucca i nie kuplajucca. Vyklučeńnie składajuć apieracyi ź niekatorymi dziaržaŭnymi pradpryjemstvami ŭ vyniku administratyŭnych rašeńniaŭ.
Paśla zajavaŭ Łukašenki ŭ Astanie i pačatku antyrasijskaj kampanii ŭ dziaržSMI ŭ analityki schilajucca da taho, što łukašenkaŭcy vyrašyli zusim nie brać kredytu ad JeŭrAzES navat na 800 miljonaŭ dalaraŭ, kab nie vykonvać vystaŭlenych umovaŭ. A heta aznačaje, što valuty ŭ krainie dla nasielnictva i impartnych apieracyj taksama nie źjavicca až da taho momantu, pakul Nacbank nie adnović svoj valutny rezierv da minimalnaha ŭzroŭniu.
U abmieńnikach valuta tak i nie źjaviłasia. U vyniku najaŭny dalar na čornym rynku praciahvaje raści.
Kali ŭ paniadziełak dalar možna było kupić-pradać za 5000—5800 rubloŭ, to ŭ piatnicu viłka kursaŭ dasiahnuła 5200—6400 rubloŭ.Pryčym jaje pavieličeńnie śviedčyć pra niapeŭnaść.
Na rynak najaŭnaj valuty mocna ciśnie bieznajaŭny hoład. Mały i siaredni biznes masava vyvodzić rubli ŭ dalary i zakuplaje taksama najaŭnyja dalary dla zabieśpiačeńnia impartu. U situacyi, kali bieznajaŭnych dalaraŭ nie kupić, u biznesoŭcaŭ niama inšaha vybaru.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary