Pa padazreńni ŭ padbuchtorvańni i atrymańni bujnoha chabaru pry praviadzieńni budaŭničaha tenderu zatrymany hienieralny dyrektar najbujniejšaj budaŭničaj kampanii, praź jakuju ŭ apošni čas pravodziłasia rekanstrukcyja znakavych staličnych abjektaŭ.
Skandał, jaki razharajecca ŭ stalicy, tak ci inakš začepić nie tolki najbujniejšuju budaŭničuju kampaniju krainy, ale i šerah čynoŭnikaŭ vielmi vysokaha ranhu. Zrešty, usio budzie zaležyć ad taho, jak daloka daduć zajści śledčym, na jakim uzroŭni ich spyniać.
Pavodle źviestak «Ježiednievnika», apieracyja pa vyjaŭleńni karupcyi pry praviadzieńni budaŭničych padradaŭ była praviedziena staličnaj milicyjaj jašče 11 maja. Adnak infarmacyja ab hetym naŭmysna nie raspaŭsiudžvałasia, užo zanadta vialikija postaci stajać za joj i zanadta vialikuju škodu reputacyi budaŭničaj haliny možna nanieści.
Havorka idzie ab hienieralnym dyrektaru ZAT «TrestBiełPSP» F. — adnym z aksakałaŭ budaŭničaha biźniesu Biełarusi. Jon pačaŭ pracu na budaŭničym rynku krainy jašče ŭ
U 2007 hodzie F. i jaho trest stali łaŭreatami konkursu «Najlepšy pradprymalnik» u naminacyi «Najlepšy pradprymalnik — arhanizatar novych pracoŭnych miescaŭ».
Syn F., jaki ŭznačalvaje strukturnaje pradpryjemstva tresta — TAA «BiełPSP», u 2007 hodzie ŭkazam prezidenta byŭ uklučany ŭ skład Rady pa raźvićci pradprymalnictva ŭ Respublicy Biełaruś. Heta značyć siamja F. — nie tolki viadomaja budaŭničaja dynastyja ŭ Biełarusi, ale jana maje dostup praktyčna va ŭsie ŭładnyja kabiniety.
Pavodle źviestak «Ježiednievnika», usio pačałosia paśla taho, jak u pravaachoŭnyja orhany źviarnuŭsia dyrektar inšaj budaŭničaj kampanii, jaki paviedamiŭ, što F. nibyta vymahaje ŭ jaho bujny chabar. Havorka idzie ab rekanstrukcyi bujnoha spartyŭnaha abjekta — Respublikanskaha centra alimpijskaj padrychtoŭki pa tenisie. ZAT «TrestBiełPSP» źjaŭlajecca hienieralnym padradčykam i rasparadčykam biudžetnych srodkaŭ pa vykanańniu rabot na prajekcie «Pašyreńnie
Pavodle dadzienych pravaachoŭnych orhanaŭ, F. razam sa svaim hałoŭnym inžynieram, jaki taksama ŭvachodziŭ u skład tendarnaj kamisii, patrabavali z dyrektara inšaj budaŭničaj kampanii, jakaja ŭdzielničała ŭ tendary, chabar za «spryjalnaje rašeńnie pytańniaŭ ŭvachodziačych u jaho kampietencyju». Praściej kažučy, za pieramohu ŭ tendary.
Suma adkatu skłała 21 300 dalaraŭ. Pry pieradačy pałovy sumy ŭ jakaści zadatku 11 maja F. i hałoŭny inžynier ZAT «TrestBiełPSP» byli zatrymanyja supracoŭnikami pravaachoŭnych orhanaŭ. Ale na hetym apieracyja nie zaviaršyłasia.Tamu ŭviečary 11 maja pravaachoŭnymi orhanami byŭ zatrymany i hałoŭny inžynier centra. Ale naŭrad ci i na hetym zavieršycca skandał.Paśla zatrymańnia F. pryznaŭsia, što častka srodkaŭ pryznačałasia dla hałoŭnaha inžyniera Respublikanskaha centra alimpijskaj padrychtoŭki pa tenisie i pahadziŭsia pad kantrolem apieratyŭnikaŭ pieradać hrošy dalej.
Sprava ŭ tym, što ZAT «TrestBiełPSP» źjaŭlajecca hienpadradčykam i rasparadčykam biudžetnych srodkaŭ i na inšych spartyŭnych i inšych znakavych abjektach, dzie ciapier pravodzicca rekanstrukcyja. Pratekcyju, pa dadzienych pravaachoŭnych orhanaŭ, budaŭničaj kampanii naładzili niekatoryja vielmi vysokapastaŭlenyja čynoŭniki, ź jakimi siamja F. maje daŭnija siabroŭskija adnosiny.
