Brytanskaja hazieta Financial Times vystupiła ŭ padtrymku vydzialeńnia Mižnarodnym valutnym fondam kredytu dla Biełarusi.
«Biez zachodniaj padtrymki ŭradu ŭ Minsku nie budzie da kaho źviarnucca, akramia Rasii. Adnak Kreml akaža dapamohu tolki ŭ tym vypadku, kali Biełaruś pradaść niekatoryja sa svaich najbolej kaštoŭnych dziaržaŭnych aktyvaŭ, takich jak hazatranspartnaja sistema, dva naftapierapracoŭčyja zavody, asnoŭny apieratar sotavaj suviazi i vytvorca kalijnych uhnajeńniaŭ», — havorycca ŭ redakcyjnym artykule, apublikavanym 2 červienia.
Heta, miarkuje Financial Times, pahražaje biezzvarotnym zychodam Biełarusi ŭ śfieru hieapalityčnaha i ekanamičnaha ŭpłyvu Rasii ci poŭnaj strataj Biełaruśsiu niezaležnaści. Akramia taho,
«heta stanie vielmi tryvožnym precedentam dla inšych byłych savieckich respublik, jakija niekali znachodzilisia pad kantrolem Maskvy»,— adznačajecca ŭ artykule.
Pavodle mierkavańnia redakcyi Financial Times, Alaksandr Łukašenka źjaŭlajecca «nieprymalnaj asobaj postkamunistyčnaj Jeŭropy» i spałučaje «strašnyja palityčnyja represii ź niekampietentnaściu ŭ finansavych pytańniach».
Vydzialeńnie Biełarusi kredytu pastavić zachodnija ŭrady ŭ dziŭnaje stanovišča: z adnaho boku, jany ŭvodziać sankcyi, a ź inšaha — akazvajuć finansavuju padtrymku, adznačaje vydańnie. Adnak, kali MVF upeŭnieny, što jon moža paśpiachova prymusić Biełaruś vykonvać umovy vydačy kredytu, tady heta pravilny kurs dziejańniaŭ, padkreślivajecca ŭ artykule.
i zachodnija krainy majuć doŭhaterminovuju zacikaŭlenaść u padtrymcy svabody Biełarusi. Prahrama MVF, pravilna raspracavanaja i ažyćcioŭlenaja, dapamoža ŭ realizacyi hetaj mety», — piša Financial Times.«Režym Łukašenki nie budzie isnavać viečna,