Financial Times выступіла за выдзяленне крэдыту МВФ для Беларусі
Брытанская газета Financial Times выступіла ў падтрымку выдзялення Міжнародным валютным фондам крэдыту для Беларусі.
«Без заходняй падтрымкі ўраду ў Мінску не будзе да каго звярнуцца, акрамя Расіі. Аднак Крэмль акажа дапамогу толькі ў тым выпадку, калі Беларусь прадасць некаторыя са сваіх найболей каштоўных дзяржаўных актываў, такіх як газатранспартная сістэма, два нафтаперапрацоўчыя заводы, асноўны аператар сотавай сувязі і вытворца калійных угнаенняў», — гаворыцца ў рэдакцыйным артыкуле, апублікаваным 2 чэрвеня.
Гэта, мяркуе Financial Times, пагражае беззваротным зыходам Беларусі ў сферу геапалітычнага і эканамічнага ўплыву Расіі ці поўнай стратай Беларуссю незалежнасці. Акрамя таго,
«гэта стане вельмі трывожным прэцэдэнтам для іншых былых савецкіх рэспублік, якія некалі знаходзіліся пад кантролем Масквы»,— адзначаецца ў артыкуле.
Паводле меркавання рэдакцыі Financial Times, Аляксандр Лукашэнка з’яўляецца «непрымальнай асобай посткамуністычнай Еўропы» і спалучае «страшныя палітычныя рэпрэсіі з некампетэнтнасцю ў фінансавых пытаннях».
Выдзяленне Беларусі крэдыту паставіць заходнія ўрады ў дзіўнае становішча: з аднаго боку, яны ўводзяць санкцыі, а з іншага — аказваюць фінансавую падтрымку, адзначае выданне. Аднак, калі МВФ упэўнены, што ён можа паспяхова прымусіць Беларусь выконваць умовы выдачы крэдыту, тады гэта правільны курс дзеянняў, падкрэсліваецца ў артыкуле.
і заходнія краіны маюць доўгатэрміновую зацікаўленасць у падтрымцы свабоды Беларусі. Праграма МВФ, правільна распрацаваная і ажыццёўленая, дапаможа ў рэалізацыі гэтай мэты», — піша Financial Times.«Рэжым Лукашэнкі не будзе існаваць вечна,
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары