U adździaleńni reanimacyi Pietrykaŭskaj rajonnaj balnicy znachodzicca siamihadovaje dzicia z Rečycy. 4 červienia chłopčyk vypaŭ z akna treciaha pavierchu žyłoha korpusa dziciačaha azdaraŭlenčaha łahiera «Pcič».
Jak paviedamili ŭ Pietrykaŭskim RAUS, homielskija niejrachirurhi praviali chłopčyku trepanacyju čerapa. Jaho stan aceńvajecca jak stabilna ciažki.
Milicyja pravodzić pravierku, vyśviatlajučy abstaviny zdareńnia. Pavodle papiaredniaj infarmacyi, NZ adbyłosia ŭ pieršy dzień zajezdu dziaciej. Vychavalnik chadziła pa pakojach i adčyniała vokny. U adnym z pakojaŭ, dzie žančyna ŭžo paśpieła adčynić akno, znachodziŭsia siamihadovy chłopčyk. Sieŭšy na padakońnik, jon abapiorsia na maskitnuju sietku, jakaja parvałasia, i chłopčyk zvaliŭsia.
0
0
0
0
0
0