Aŭstralija zajaviła ab prypynieńni ekspartu bujnoj rahataj žyvioły na rynak Indaniezii paśla pratestaŭ, jakija pačalisia ŭ krainie praź videazapis, jaki śviedčyć pra žorstkaje abychodžańnie z bydłam na indaniezijskich fiermach.
Urad byŭ vymušany prypynić ekspart na važnym dla Aŭstralii kirunku pad ciskam pravaabaroncaŭ. Ich abureńnie vyklikali pakazanyja na aŭstralijskim telebačańni kadry, na jakich žyviołaŭ źbivali i kalečyli da śmierci na niekatorych bojniaj u Indaniezii.
Ułady Aŭstralii pryniali rašeńnie na paŭhoda prypynić pastaŭki žyvioły ŭ Indanieziju. Urad raźličvaje kampiensavać straty ekspartnaj vyručki za košt handlu ź inšymi krainami, u tym liku Blizkaha Uschodu. Pra heta abviaściŭ ministr sielskaj haspadarki krainy Džo Ludvih.
«Ekspart bujnoj rahataj žyvioły pavinien hruntavacca na zdolnaści abaranić zdaroŭje žyvioł. Ekspart u Indanieziju adnovicca tolki tady, kali my budziem upeŭnienyja, što industryja ŭ stanie vykanać hetaje patrabavańnie», — zajaviŭ ministr.
Aŭstralija ekspartuje kala 500 tysiač hałovaŭ bujnoj rahataj žyvioły ŭ Indanieziju. Heta 60% usiaho abjomu ekspartu. Aŭstralija i Brazilija źjaŭlajucca najbujniejšymi eksparciorami bujnoj rahataj žyvioły.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary