U haradzienskuju milicyju źviarnuŭsia miascovy žychar, jaki pryznaŭsia, što jamu zamovili zabojstva. Niadoraha — 2 tys. dalaraŭ. Raźvioŭšysia z mužam, adna žančyna nadumałasia takim čynam vyrašyć kvaternaje pytańnie. Dapamahčy joj uziałasia maci. Raniej žančyny nieadnakroć sprabavali vysielić byłoha muža, što paćvierdzili zapisy telefonnych razmovaŭ.
Milicyjanty razyhrali ceły spektakal, vykarystaŭšy «kilera» dla atrymańnia bolš važkich dokazaŭ mierkavanaha zabojstva. «Achviaru» nibyta znajšli na ŭskrajku lesu, a vykanaŭca zapeŭniŭ zamoŭcaŭ, pieradaŭšy im asabistyja rečy «zabitaha». Paśla hetaha milicyjanty naviedali žančynaŭ z fotazdymkam dla apaznańnia. Tyja pavieryli i pačali rychtavać pachavańnie. Adnak aryšt pierapyniŭ žałobnyja mierapryjemstvy. Abłasnaja prakuratura raspačała kryminalnuju spravu pa fakcie zamachu na zabojstva ŭ karyślivych metach. Zamoŭcam pahražaje ad 15 da 25 hadoŭ źniavoleńnia.
