Pahadnieńnie ab vydzialeńni Biełarusi finansavaha kredytu sa srodkaŭ Antykryzisnaha fondu JeŭrAzES padpisanaje 9 červienia ŭ Minsku.
Ad biełaruskaha boku pahadnieńnie padpisaŭ ministr finansaŭ Andrej Charkaviec, ad Jeŭrazijskaha banka raźvićcia — namieśnik staršyni praŭleńnia — kiraŭničy dyrektar pa zabieśpiačeńni dziejnaści Antykryzisnaha fondu JeŭrAzES Siarhiej Šatałaŭ.
Rašeńnie pra vydzialeńnie Biełarusi kredytu było pryniataje 4 červienia ŭ Kijevie na pasiadžeńni ministraŭ finansaŭ krain — udzielnic JeŭrAzES.
Ahulny abjom kredytu składzie 3 młrd. dołaraŭ ZŠA, a pastupleńnie srodkaŭ budzie ažyćciaŭlacca tranšami na praciahu troch hadoŭ (2011–2013 hady).Suma kredytu sioleta składzie 1,24 młrd. dołaraŭ. Astatniaja suma budzie vydzialacca roŭnymi tranšami dvojčy na hod na praciahu nastupnych dvuch (2012–2013) hadoŭ.
Pavodle infarmacyi Minfina Biełarusi, kredyt dajecca na 10 hadoŭ z maratoryjem na pahašeńnie asnoŭnaha doŭhu try hady. Płaciažy pa kredycie nie pavinny pieravysić 4,9% hadavych. Umovy vydzialeńnia kredytu ŭ maksimalnaj stupieni adpaviadajuć standartnym padychodam mižnarodnych finansavych arhanizacyj pry realizacyi stabilizacyjnych prahram.
Srodki kredytu buduć vykarystanyja na papaŭnieńnie mižnarodnych reziervovych aktyvaŭ i finansavańnie deficytu płaciežnaha bałansu Respubliki Biełaruś.
Jak paviedamlałasia raniej, pieršy tranš kredytu ŭ 800 młn. dołaraŭ pavinien być pieraličany ŭ bližejšyja dva tydni, paśla ŭvachodžańnia ŭ siłu pahadnieńnia ab vydzialeńni pazyki.
Druhi i nastupnyja tranšy, kožny ŭ pamiery 440 młn. dołaraŭ, buduć pieraličvacca Biełarusi pa miery vykanańnia ŭzhodnienych zachadaŭ prahramy stabilizacyi płaciežnaha bałansu i pavyšeńnia kankurentazdolnaści ekanomiki, raspracavanaj uradam krainy.
Pasoł RF u Biełarusi Alaksandr Surykaŭ 9 červienia na
Pavodle jaho słoŭ, umovy davańnia kredytu składajucca z 15 punktaŭ. Aprača spynieńnia «šalonaj emisii» ŭmovaj vydzialeńnia srodkaŭ było skaračeńnie dziaržaŭnych raschodaŭ, deficytu biudžetu, vychad na adziny rynačny kurs biełaruskaha rubla.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»7
Kamientary