Niekalki nabližanych asobaŭ byłoha prezidenta Kirhizii Kurmanbieka Bakijeva zatrymanyja ŭ Rasii, paviedamlajuć miascovyja ŚMI sa spasyłkaj na MUS Kirhizii.
Jak raskazaŭ načalnik hałoŭnaha ŭpraŭleńnia kryminalnaha vyšuku MUS Cilek Alibajeŭ, śledčyja vyjechali ŭ Rasiju 2 červienia.
«Jany zatrymali vosiem złačyncaŭ, jakija znachodziacca ŭ miždziaržaŭnym i mižnarodnym vyšuku, troje ź ich prachodzili padazravanymi pa kryminalnych spravach, raspačatych pa padziejach červienia 2010 na poŭdni krainy», — skazaŭ Alibajeŭ.
Jon dadaŭ, što 8 červienia ŭ Maskvie byŭ zatrymany Siarhiej Kaściuk, były čalec kamisii pa kiravańni aktyvami i načalnik adździeła
«Jon byŭ finansistam Maksima Bakijeva (syna Kurmanbieka Bakijeva) i moh by pralić śviatło na toje, kudy syšli hrošy z rachunkaŭ siamji Bakijevych. Ciapier vyrašajecca pytańnie ab jaho ekstradycyi», — dadaŭ Alibajeŭ.
Proźviščy inšych zatrymanych jon admoviŭsia nazvać.
U krasaviku 2010 hoda ŭ Kirhizii adbyŭsia dziaržaŭny pieravarot. Kurmanbiek Bakijeŭ pakinuŭ krainu, ciapier jon žyvie ŭ Biełarusi. Ułada pierajšła ŭ ruki časovaha kaalicyjnaha ŭrada na čale z Rozaj Atunbajevaj, jaki składajecca ź lidaraŭ apazicyjnych partyj. U červieni 2010 hoda ŭ krainie byŭ praviedzieny refierendum, na jakim była pryniataja Kanstytucyja i zaćvierdžanyja paŭnamoctvy Atunbajevaj u jakaści prezidenta pierachodnaha pieryjadu.