Łukašenka zajaŭlaje, što nie dapuścić niesankcyjanavanych revalucyj
«Ja tak budu hladzieć, nazirać, a potym jak šarachnu, dyk nie paśpiejuć za miažu pierabiehčy».
Alaksandr Łukašenka zajaviŭ, što ŭłady nie dapuściać niesankcyjanavanych akcyj i zabastovak.
«U nas śviadomyja ŭ Minsku, u sacyjalnych sietkach u Internecie zaklikajuć da zabastoŭki, strajki na miažy ładziać. Ja tak budu hladzieć, nazirać, a potym jak šarachnu, dyk nie paśpiejuć za miažu pierabiehčy»,
— zajaviŭ Alaksandr Łukašenka ŭ aŭtorak u Minskaj vobłaści.
«Ładziać tam zabastoŭki, što im nie dazvolili za biescań vyvozić paliva, cyharety, inšyja tavary. Raniej takich nazyvali śpiekulantami. Jany ž i jość śpiekulanty», — skazaŭ jon.
Pavodle jaho słoŭ, «heta — tak zvanaja rynkavaja ekanomika». «Nidzie hetaha niama, a ŭ nas hety rynak nasadžajuć», — adznačyŭ Łukašenka. «Ja što, na heta hladzieć budu?». Pavodle jaho słoŭ, «voś siudy treba pryjści, na heta pole…». «I papracavać», — padtaknuŭ kiraŭnik miascovaha sielhaspradpryjemstva.
U Biełarusi adznačajecca rost sacyjalnaj napružanaści. Jak viadoma, u vyniku devalvacyi rubla siarednija zarobki ŭpali na 60%. U toj ža čas rost cenaŭ vymiarajecca dziasiatkami pracentaŭ.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ8
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary