Лукашэнка заяўляе, што не дапусціць несанкцыянаваных рэвалюцый
«Я так буду глядзець, назіраць, а потым як шарахну, дык не паспеюць за мяжу перабегчы».
Аляксандр Лукашэнка заявіў, што ўлады не дапусцяць несанкцыянаваных акцый і забастовак.
«У нас свядомыя ў Мінску, у сацыяльных сетках у Інтэрнэце заклікаюць да забастоўкі, страйкі на мяжы ладзяць. Я так буду глядзець, назіраць, а потым як шарахну, дык не паспеюць за мяжу перабегчы»,
— заявіў Аляксандр Лукашэнка ў аўторак у Мінскай вобласці.
«Ладзяць там забастоўкі, што ім не дазволілі за бесцань вывозіць паліва, цыгарэты, іншыя тавары. Раней такіх называлі спекулянтамі. Яны ж і ёсць спекулянты», — сказаў ён.
Паводле яго слоў, «гэта — так званая рынкавая эканоміка». «Нідзе гэтага няма, а ў нас гэты рынак насаджаюць», — адзначыў Лукашэнка. «Я што, на гэта глядзець буду?». Паводле яго слоў, «вось сюды трэба прыйсці, на гэта поле…». «І папрацаваць», — падтакнуў кіраўнік мясцовага сельгаспрадпрыемства.
У Беларусі адзначаецца рост сацыяльнай напружанасці. Як вядома, у выніку дэвальвацыі рубля сярэднія заробкі ўпалі на 60%. У той жа час рост цэнаў вымяраецца дзясяткамі працэнтаў.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары