Pradpryjemstva «Hrodnatekstyl» budzie likvidavana

Kancern «Biellehpram» pryniaŭ rašeńnie ab likvidacyi RUVP «Hrodnatekstyl» zamiest jaho dałučeńnia da AAT «Hraniteks».

Rašeńnie kancerna ab likvidacyi pradpryjemstva było razhledžana i padtrymana Ministerstvam ekanomiki, Dziaržaŭnym kamitetam pa majomaści i Hrodzienskim abłvykankamam.

Pry hetym AAT «Hraniteks» daručana zabiaśpiečyć pracaŭładkavańnie ŭsich 293 rabotnikaŭ pradpryjemstva, jakoje likvidujecca, u adpaviednaści z zakanadaŭstvam. Pavodle prośby «Hraniteksa» i chadajnictva Hrodzienskaha abłvykankama vyrašajecca pytańnie ab pieradačy internata RUVP «Hrodnatekstyl» na bałans AAT z nastupnym pavieličeńniem statutnaha fondu pradpryjemstva.

U listapadzie minułaha hoda kancern «Biellehpram» sumiesna z Hrodzienskim abłasnym vykanaŭčym kamitetam pryniali rašeńnie ab nieabchodnaści rearhanizacyi RUVP «Hrodnatekstyl» šlacham dałučeńnia da AAT «Hraniteks». Kancern padrychtavaŭ prajekt ukaza ab dziaržaŭnaj padtrymcy AAT «Hraniteks», adnak dakumient nie byŭ uzhodnieny.

Rašeńnie kancerna abumoŭlena šeraham pryčyn, rastłumačyli ŭ pres-słužbie. Sanacyja RUVP «Hrodnatekstyl», jakaja doŭžyłasia amal try hady (pačynajučy z 2002 hoda), stanoŭčych vynikaŭ nie dała. Miravoje pahadnieńnie, padpisanaje ŭ 2005 hodzie pamiž RUVP «Hrodnatekstyl» i kredytorami na peŭnych umovach da 2010 hoda, tolki adterminavała vypłatu najaŭnaj zapazyčanaści, ale nie vyrašyła prablemu płaciežazdolnaści pradpryjemstva i pryviało da stvareńnia novych daŭhoŭ.

U kancernie paličyli, što z pryčyny niedachopu ŭłasnych abarotnych srodkaŭ, najaŭnaści značnaj praterminavanaj kredytorskaj zapazyčanaści nie ŭjaŭlajecca mahčymym stabilizavać pracu pradpryjemstva, zabiaśpiečyć rost abjomaŭ vytvorčaści i zarabotnaj płaty. Pry hetym situacyja ŭskładniajecca vysokaj stupieńniu znosu technałahičnaha abstalavańnia (bolš za 95%), što robić niemahčymym vypusk vysakajakasnaj i kankurentazdolnaj pradukcyi, zaznačyli ŭ pres-słužbie.

U «Biellehpramie» paviedamlajuć, što «Hrodnatekstyl», uličvajučy ciažkaje finansava-ekanamičnaje stanovišča, nie maje mahčymaści nakiroŭvać srodki, jakija zarablaje, na raźvićcio pradpryjemstva. Techničnaje pieraasnaščeńnie źjaŭlajecca ekanamična niemetazhodnym, tamu što patrabuje značnych kapitalnych układańniaŭ (pavodle papiarednich raźlikaŭ, bolš jak 50 młrd. rubloŭ). Pry hetym u krainie anałahičnuju pradukcyju vyrablaje AAT «Sukno» ŭ Minsku, techničnaja baza jakoha ŭžo značna abnoŭlena.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH