Pavodle vynikaŭ pracy ŭ studzieni-krasaviku 2011 hoda stratnymi byli 909 pradpryjemstvaŭ i arhanizacyj, abo 10,3% ad ich ahulnaj kolkaści. Čystaja strata skłała 1 trłn. rubloŭ, abo na 44,3% bolš, čym za taki ž pieryjad 2010 hoda, paviedamlaje Nacyjanalny statystyčny kamitet.
Dla paraŭnańnia: u studzieni-krasaviku 2010 hoda sa stratami pracavali 988 arhanizacyj, abo 11,2%.
Udzielnaja vaha stratnych pradpryjemstvaŭ pa vidach ekanamičnaj dziejnaści: sielskaja haspadarka, palavańnie i lasnaja haspadarka — 1,8% (u studzieni-krasaviku 2010 hoda — 2,2%); pramysłovaść — 16,3% (17,1%), u tym liku hornazdabyŭnaja — 16,1% (19,4%), apracoŭčaja — 15,8% (17,6%); vytvorčaść i raźmierkavańnie elektraenierhii, hazu i vady — 21,7% (12,7%); budaŭnictva — 11,9% (12,8%); handal i ramont bytavych vyrabaŭ i aŭtamabilaŭ — 9,4% (12,7%); hateli i restarany — 9,4% (13,2%); transpart i suviaź — 13,4% (15,4%); apieracyi ź nieruchomaj majomaściu, arenda i akazańnie pasłuh spažyŭcam — 7,9% (7,5%); adukacyja — 7,8% (2,2%); achova zdaroŭja i sacyjalnyja pasłuhi — 15,4% (5,5%); kamunalnyja, sacyjalnyja i piersanalnyja pasłuhi — 14,6% (14,9%).
Pavodle źviestak Biełstata, rentabielnaść prodažu za studzień-krasavik 2011 hoda skłała 6,9% i ŭzrasła ŭ paraŭnańni sa studzieniem-krasavikom 2010 hoda na 0,8 pracentnaha punkta. Za studzień-sakavik 2011 hoda rentabielnaść prodažu skłała 6,6%, za krasavik — 7,7%.
Maryna Nosava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
