Mažylis vymušany byŭ adkłaści ratyfikacyju pahadnieńniaŭ pa Mytnym sajuzie, bo ŭ hrafie «prezident Respubliki Biełaruś» u dakumiencie było paznačana — «Pucin V.V.».Pra heta paviedamlaje miascovaje infarmahienctva Bnews.kz.
Havorka idzie ab pahadnieńni pamiž krainami Mytnaha sajuza «Ab ŭzhodnienaj makraekanamičnaj palitycy». Pryniaćcio mienavita hetaha dakumienta deputaty pałaty adkłali na niekalki hadzin
«Čytajem: «Padpisana za Respubliku Biełaruś — prezidentam Respubliki Biełaruś Łukašenka A.R.; za Respubliku Kazachstan — prezidentam Respubliki Kazachstan Nazarbajevym N.A.; za Rasijskuju Fiederacyju — prezidentam Respubliki Biełaruś Pucinym V.V. «, — pracytavaŭ tekst supravadžalnaj daviedki da pahadnieńnia deputat Ivan Čyrkalin na plenarnym pasiadžeńni Mažylisa.
«Moža być, my nie toje ratyfikujem? Moža, nam nieabchodna viarnuć, niachaj raźbiarucca», — zajaviŭ mažylismien Jaržan Rachmietaŭ.
U vyniku abmierkavańnie ratyfikacyi było adkładzienaje na niekalki hadzin. Paśla pierapynku śpikier Mažylisa Urał Muchamiedžanaŭ ahučyŭ list ad kiraŭnika adnaho z departamientaŭ Mytnaha sajuza z vypraŭleńniami, nazvaŭšy hety vypadak «aburalnaj brydotaj». Paśla hetaha ratyfikacyja pahadnieńnia była ŭchvalenaja Mažylisam.
Heta nie pieršy lap, jaki tyčycca kiraŭnikoŭ Rasii i Biełarusi. Tak, adnojčy Alaksandr Łukašenka abmoviŭsia i nazvaŭ siabie pieršym prezidentam RF. Frahmient pramovy biełaruskaha lidara trapiŭ u internet i byŭ šyroka rastyražavany.