21-hadovy palitviazień Mikita Lichavid čaćviorty raz za 40 dzion źmieščany ŭ štrafny izalatar. Na hety raz administracyja Navapołackaj kałonii abvinavaciła asudžanaha za Płošču ŭ niedaniasieńni na svaich sukamiernikaŭ.
Pavodle maci aktyvista Aleny Lichavid, takim čynam chłopiec u štrafnym izalatary siadzić užo 35 dzion. Učora ŭ kałonii aktyvista naviedała advakat Darja Lipkina.
— Jon vyrazna zaniaŭ svaju pazicyju i adychodzić ad jaje nie źbirajecca. Była naładžana pravierka, jakaja padčas ahladu kamiery № 1 vyjaviła zabaronienyja dla vykarystańnia pradmiety. Dziažurnym pa kamiery byŭ pryznačany Lichavid, jaki nie vykanaŭ abaviazki dziažurnaha i nie paviedamiŭ ab najaŭnaści zabaronienych pradmietaŭ.
Pavodle rašeńnia načalnika atrada «Karancin» Navapołackaj kałonii Alaksandra Pankrata, vina Lichavida — u niedaniasieńni pra najaŭnaść u štrafnoj kamiery cyharet u asudžanych. Sam aktyvist Ruchu «Za svabodu» ad dačy tłumačeńniaŭ i pryznańnia siabie vinavatym admaŭlajecca z toj pryčyny, što ličyć pieraśled za ŭdzieł u akcyi 19 śniežnia niezakonnym.
29 sakavika prysud Mikitu Lichavidu — 3,5 hady turmy — ahučyła sudździa Partyzanskaha rajona Minsku Natalla Pykina.
Mikitu Lichavidu možna napisać na hety adras:
Mikita Lichavid
211440 Viciebskaja vobł., h. Navapołack, vuł. Techničnaja, 8
papraŭčaja kałonija № 10
