U Biełarusi likvidujuć dyscyplinarnuju voinskuju čaść. Adpaviednaja norma praduhledžana ŭ papraŭkach u Kryminalny,Kryminalna-pracesualny iKryminalna-vykanaŭčy kodeksy, pryniatych 24 červienia ŭ pieršym čytańni deputatami Pałaty pradstaŭnikoŭ.
«Asnoŭnaja ideja zakonaprajekta — vyklučeńnie takoha vidu pakarańnia dla vajennasłužačych terminovaj vajennaj słužby, jak nakiravańnie ŭ dyscyplinarnuju voinskuju čaść, zamiena jaho aryštam i inšymi alternatyŭnymi pakarańniami», — paviedamiŭ inicyjatar zakonaprajekta, staršynia parłamienckaj kamisii pa nacyjanalnaj biaśpiecy Ihnacij Misurahin.
Pavodle jaho słoŭ, najaŭnaść dysbataŭ nie ŭłaściva «sučasnaj voinskaj arhanizacyi». Misurahin paviedamiŭ, što kolkaść nakiravanych u dyscyplinarnuju čaść vajennasłužačych štohod źnižajecca i dasiahaje prykładna try dziasiatki čałaviek. Pavodle jaho infarmacyi, zaraz u dyscyplinarnaj čaści ŭ Minsku znachodziacca 28 čałaviek. Razam z tym pa štacie tam pavinny pracavać 124 vajennasłužačyja i 12 asob cyvilnaha piersanału. Ahulnyja zatraty na ŭtrymańnie čaści składajuć 1,8 młrd. rubloŭ u hod.
«Zakonaprajekt dazvolić pryvieści ŭ zładžanuju łahičnuju sistemu miery pravavoha ŭździejańnia na vajennasłužačych, adekvatnyja nastupstvam voinskaha pravaparušeńnia, i praktyku jaho ažyćciaŭleńnia z ulikam suśvietnych standartaŭ», — zajaviŭ deputat.
-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary