Kamitet dziaržaŭnaj biaśpieki admoviŭ lidaru AHP Antatolu Labiedźku ŭ mahčymaści naviedać Brest. Pajezdka musiła adbycca siońnia, a jaje metaj była sustreča z pradstaŭnikami miascovych ŚMI i partaktyvam.U Kamitecie dziaržbiaśpieki amal sutki vyrašali, ci moža spadar Labiedźka sustrecca z bresckimi adnapartyjcami i ŭ vyniku admovili biez tłumačeńnia pryčyn. «Jany tolki skazali mnie, što ja znachodžusia pad padpiskaj ab niavyjeździe i tamu nie mahu pajechać u Brest, chacia niekatory čas tamu dazvolili takuju ž pajezdku ŭ Babrujsk. Dumaju, heta sproba vyznačyć dla mianie kalidor dla dziejańniaŭ — heta možna, a heta nie. Adnak u naš čas isnuje mnostva mahčymaściaŭ pracavać i nie vyjazdžajučy na miescy», — takim čynam prakamientavaŭ Anatol Labiedźka situacyju.
U Brest delehacyja AHP nakiravałasia bieź Labiedźki. Lidar partyi pakul moža naviedvać tolki baćkoŭ, jakija pražyvajuć na Staŭbcoŭščynie. «Tudy ja pakul mahu jeździć. Adno što mušu papiaredžvać ab adjeździe, a taksama zvanić u KDB kožny raz, jak viartajusia ŭ Miensk», — havoryć spadar Anatol.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca3
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary