U bankaŭskuju sistemu Biełarusi ŭ 2007 hodzie pryjduć jašče jak minimum 5‑6 bujnych stratehičnych inviestaraŭ. Ab hetym paviedamiŭ siońnia karespandentu BIEŁTA staršynia praŭleńnia Nacyjanalnaha banka Biełarusi Piotr Prakapovič.
Pavodle jaho słoŭ, taja zadača, što staviłasia pa pryciahnieńniu stratehičnych inviestaraŭ u bankaŭskuju sistemu, u nastupnym hodzie budzie zavieršana ŭ poŭnym abjomie. «U hetym hodzie pryniata rašeńnie pa dvuch stratehičnych inviestarach. U pieršym kvartale 2007 hoda čakajem prychod jašče dvuch. U druhim‑trecim kvartale nie mienš jak piać stratehičnych inviestaraŭ pryjdzie ŭ Biełaruś», ‑ skazaŭ kiraŭnik Nacbanka.
Pry hetym jon adznačyŭ, što zamiežnyja inviestycyi buduć układzieny jak užo ŭ dziejučyja banki, tak i ŭ stvareńnie novych kredytna‑finansavych instytutaŭ. Płanujecca, što hetyja inviestycyi pryjduć u drobnyja i siarednija biełaruskija banki. Piotr Prakapovič taksama nahadaŭ, što ŭ adpaviednaści z kancepcyjaj raźvićcia bankaŭskaj sistemy Biełarusi da 2010 hoda kantrolny pakiet čatyroch bujniejšych biełaruskich bankaŭ zachavajecca ŭ dziaržavy. «Zatym budziem razhladać mahčymaść pryciahnieńnia zamiežnych inviestycyj i ŭ hetyja banki z zachavańniem kantrolnaha pakieta akcyj u dziaržavy na pieršym etapie.
Paśla 2015 hoda mohuć prymacca i inšyja rašeńni», ‑ adznačyŭ jon. «My nazyvajem inviestara stratehičnym, kali jon na praciahu dvuch‑troch hadoŭ prynosić u raźvićcio bankaŭskaj sistemy nie mienš jak $1 młrd. Tych inviestaraŭ, jakija prychodziać ź mienšaj sumaj, my nie ŭličvajem jak stratehičnych», ‑ rastłumačyŭ kiraŭnik Nacbanka. Piotr Prakapovič adznačyŭ, što stabilnaja rabota bankaŭskaj sistemy, ekanomiki zrabiła pryvabnym biełaruski bankaŭski siektar dla inviestaraŭ. «Inviestary siońnia pajšli da nas, i ŭ dalejšym buduć prychodzić bolš vysokimi tempami, ‑ adznačyŭ jon. ‑ My heta pavinny vykarystoŭvać. My aktyŭna pavinny raźvivać bankaŭski siektar, kab zadavalniać rastučyja patrebnaści ekanomiki i nasielnictva ŭ bankaŭskich pasłuhach». Jon paviedamiŭ, što ŭ biahučym hodzie abjom vydadzienych biełaruskimi bankami spažyvieckich kredytaŭ pavialičyŭsia ŭ 1,9 raza, kredytaŭ na nabyćcio i budaŭnictva žylla ‑ u 1,7 raza. «Takija tempy my i dalej budziem zachoŭvać. Dla hetaha nam treba pryciahvać dadatkovyja resursy», ‑ skazaŭ staršynia praŭleńnia Nacbanka. «Siońnia z 30 dziejučych biełaruskich bankaŭ zamiežny kapitał prysutničaje ŭ 26. Ź ich stratehičnych inviestaraŭ niamnoha. A z prychodam novych inviestaraŭ u nas uzmocnicca kankurentnaja baraćba pamiž bankami, bolš chutka stanuć ukaraniacca najnoŭšyja technałohii, banki jašče bolš buduć zacikaŭleny ŭ pryciahnieńni klijentaŭ, jašče bolš my zmožam absłuhoŭvać małych i siarednich pradpryjemstvaŭ, indyvidualnych pradprymalnikaŭ i nasielnictva», ‑ padkreśliŭ Piotr Prakapovič.
