Pra heta zajaviŭ u interv`iu BiełaPAN sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Vital Rymašeŭski. Na jaho dumku,
biez palityčnych patrabavańniaŭ hetyja akcyi mohuć skončycca biezvynikova. A siarod palityčnych pieršym pavinna być «patrabavańnie vyzvalić palityčnych źniavolenych, a ŭžo zatym pavinny hučać ekanamičnyja i inšyja»,ličyć Vital Rymašeŭski.
Tym nie mienš, hetyja narodnyja pratesty padšturchnuli apazicyjnych lidaraŭ da adnaŭleńnia pieramoŭ ab kansalidacyi. Pavodle słoŭ sustaršyni BCHD, zaraz jak nikoli jość «padstavy, spryjalnyja dla ab`iadnańnia». Rymašeŭski paviedamiŭ, što ciapier iduć davoli plonnyja kansultacyi pamiž najbujniejšymi demakratyčnymi strukturami.
Vital Rymašeŭski paviedamiŭ, što BCHD jašče nie vyznačyłasia, u jakim farmacie budzie ŭdzielničać u parłamienckaj kampanii 2012 hoda. Pavodle jaho słoŭ, chryścijanskija demakraty «ŭdzieł brać buduć, ale ci budzie heta udzieł u vyłučeńni kandydataŭ, ci bajkot, heta budzie zaležać ad pavodzinaŭ biełaruskaj ułady». Biez vyzvaleńnia palitviaźniaŭ i źmieny vybarčaha zakanadaŭstva vyłučeńnie kandydataŭ biessensoŭnaje, ličyć sustaršynia BCHD.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)