Рымашэўскі: Патэнцыял «маўклівых акцый» вялікі, але пакуль людзі не гатовыя да актыўнага дзеяння
Пра гэта заявіў у інтэрв`ю БелаПАН сустаршыня аргкамітэта па стварэнні партыі «Беларуская хрысціянская дэмакратыя» (БХД) Віталь Рымашэўскі. На яго думку,
без палітычных патрабаванняў гэтыя акцыі могуць скончыцца безвынікова. А сярод палітычных першым павінна быць «патрабаванне вызваліць палітычных зняволеных, а ўжо затым павінны гучаць эканамічныя і іншыя»,лічыць Віталь Рымашэўскі.
Тым не менш, гэтыя народныя пратэсты падштурхнулі апазіцыйных лідараў да аднаўлення перамоў аб кансалідацыі. Паводле слоў сустаршыні БХД, зараз як ніколі ёсць «падставы, спрыяльныя для аб`яднання». Рымашэўскі паведаміў, што цяпер ідуць даволі плённыя кансультацыі паміж найбуйнейшымі дэмакратычнымі структурамі.
Віталь Рымашэўскі паведаміў, што БХД яшчэ не вызначылася, у якім фармаце будзе ўдзельнічаць у парламенцкай кампаніі 2012 года. Паводле яго слоў, хрысціянскія дэмакраты «ўдзел браць будуць, але ці будзе гэта удзел у вылучэнні кандыдатаў, ці байкот, гэта будзе залежаць ад паводзінаў беларускай улады». Без вызвалення палітвязняў і змены выбарчага заканадаўства вылучэнне кандыдатаў бессэнсоўнае, лічыць сустаршыня БХД.
Каментары