Kryzis z koštami na rasiejskija naftu j haz dla Biełarusi kamentuje deputat Pałaty pradstaŭnikoŭ, lider ŁDP Siarhiej Hajdukievič.
(Hajdukievič:) «Naša pazycyja całkam zrazumiełaja j jasnaja — my nie adstupim ad suverenitetu Respubliki Biełaruś ni na krok. My nia možam sastupać ambicyjam ludziej tolki tamu, što ŭ ich šmat hrošaj. I kali Rasiejskaja Federacyja choča atrymać unutry svajoj krainy peŭnyja palityčnych ruchi, dyk jana ich atrymaje. Kali Kreml havoryć, što ŭ dadzienych pieramovach niama nijakaj palityki, a dziejničajuć vyklučna ekanamičnyja faktary, dyk nam cudoŭna zrazumieła, što heta — zvyčajnaja kazka. Z našaha, biełaruskaha boku, my ničoha nie rabili dla paharšeńnia dačynieńniaŭ z Rasiejaj, pra što ŭčora skazaŭ premjer Sidorski. A ciapier niachaj rasiejski narod pabačyć, chto što kamu abiacaŭ, i što nasamreč robicca. Ja nie adnojčy kazaŭ, što suverenitet Biełarusi — najdaražejšaje, što nam kaliści dali. I kali va ŭnutranych pytańniach biełaruskaja elita nie zaŭždy razumieje adno adnaho, dyk heta nie havoryć pra toje, što ŭ padychodzie da suverenitetu ŭ nas jość niejkija razychodžańni. Niama razychodžańniaŭ! Ni ŭ mianie z majoj idealohijaj, ni ŭ inšych tavaryšaŭ ź ich idealohijaj. Adnosna suverenitetu naša palityčnaja elita adzinaja jak nikoli».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary