Na pres-kanfierencyi 29 červienia ŭ Minsku niekatoryja jeŭrapiejskija dypłamaty paviedamili: jany atrymali zaprašeńni na ŭračystaści z nahody Dnia Niezaležnaści mienš čym za tydzień da mierapryjemstvaŭ, što robić niemahčymym ich udzieł z-za ŭžo raspłanavanaha hrafika.
Kamientujučy hetuju zajavu, pres-sakratar MZS Biełarusi Andrej Savinych na bryfinhu 30 červienia paviedamiŭ: zaprašeńnia na ŭdzieł va ŭračystaściach z nahody Dnia Niezaležnaści byli nakiravany ŭsim pradstaŭnikam dypkorpusa. Terminy vysyłańnia zaprašeńniaŭ značeńnia nie majuć, dadaŭ Savinych.
U pres-słužbie pasolstva ZŠA BiełaPAN paviedamili: časovy pavierany ŭ spravach ZŠA ŭ Biełarusi Majkł Skenłan prysutničaŭ 2 lipienia na cyrymonii ŭskładańnia kvietak da pomnika Pieramohi ŭ Minsku. U inšych mierapryjemstvach jon udziełu nie prymaje.
Nahadajem, pasły krain ES i ZŠA nie prysutničali taksama na cyrymonii śviatkavańnia Dnia Pieramohi ŭ Minsku 9 maja, kudy ich aficyjna nie zaprasili. Uskłaści kvietki da Viečnaha ahniu na płoščy Pieramohi jany zmahli tolki na nastupny dzień, 10 maja.
Ciapier čytajuć
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma9
Kamientary