Lehiendu Minska buduć sudzić za toje, što jana chadziła ź bieł-čyrvona-biełym značkom na adzieńni.
Suprać 78-hadovaj hramadskaj aktyvistki Niny Bahinskaj zaviali kryminalnuju spravu pavodle art. 342-2 Kryminalnaha kodeksa (nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ). Pryčynaj stali špacyry sa značkom bieł-čyrvona-biełaha koleru na adzieńni i demanstracyja nacyjanalnaj simvoliki na vulicach Minsku ŭ 2024 hodzie. Nieŭzabavie raspačniecca raźbiralnictva ŭ sudzie Pieršamajskaha rajona Minska, piša «Viasna».
Jak stała viadoma pravaabaroncam «Viasny», Ninu Bahinskuju na praciahu 2024 hoda try razy pryciahvali da administracyjnaj adkaznaści pavodle art. 24.23 (niesankcyjanavanaje pikietavańnie). Ahulnaja suma štrafaŭ skłała 7200 rubloŭ (180 bazavych vieličyniaŭ). Aproč hetaha, na jaje składzienyja jašče piać pratakołaŭ. Pryčynaj dla administracyjnaha pieraśledu byŭ špacyr pa centru Minska sa značkom bieł-čyrvona-biełaha koleru na adzieńni, a taksama nieadnarazovaja «demanstracyja bieł-čyrvona-biełaj simvoliki» na vulicach Minska.
Ninu Bahinskuju nieadnarazova zatrymlivali, utrymlivali ŭ milicejskim adździaleńni ŭ kajdankach, štrafavali. Aproč hetaha, supracoŭniki previentyŭna jaje zatrymlivali z domu na važnyja daty, naprykład, Dzień voli, 9 maja i h.d. Aktyvistka pryncypova nie chadziła na svaje sudy.
U vyniku, suprać Niny Bahinskaj zaviali kryminalnuju spravu. U Biełarusi pavodle art. 342-2 KK asudžanyja tolki šeść čałaviek. Hety artykuł byŭ uviedzieny ŭ Kryminalny kodeks u 2021 hodzie, pavodle art. 342-2 KK dastatkova dvojčy na praciahu adnaho hoda być padvierhnutym administracyjnamu spahnańniu za ździajśnieńnie administracyjnych pravaparušeńniaŭ, praduhledžanych artykułam 24.23 Kodeksa Respubliki Biełaruś ab administracyjnych pravaparušeńniach, i na praciahu hoda paśla nakładańnia druhoha administracyjnaha spahnańnia za takija dziejańni znoŭ parušyć paradak arhanizacyi abo praviadzieńnia masavych mierapryjemstvaŭ.
Viadoma, što padčas śledstva pa kryminalnaj spravie žančynu niekalki razoŭ vazili na psichijatryčnuju ekśpiertyzu.
Ninie Bahinskaj pahražaje aryšt (da 3 miesiacaŭ), albo chatniaja chimija (da 3 hadoŭ), albo kałonija (da 3 hadoŭ).
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
[Zredahavana]