Razbor z48-hadovym žycharom Smalavičaŭ, jaki staŭ viadomym dziakujučy svajmu paŭtarahadovamu ŭnuku, vyliŭsia ŭ jaho źmiaščeńnie ŭ IČU miascovaha rajadździeła milicyi i składańnie pratakoła ab administracyjnym pravaparušeńni.
Volha Čajčyc z synam Janam, fota Smaliavichy.by.
Jak paviedamili BiełaPAN va UUS Minskaha abłvykankama, u dačynieńni da mužčyny składzieny administracyjny pratakoł za niepadparadkavańnie zakonnym patrabavańniam milicyi (art. 23.4 KoAP). Ciapier u čakańni suda jon znachodzicca ŭ izalatary časovaha ŭtrymańnia. Pravaparušeńnie zaklučałasia ŭ tym, što mužčyna pieršapačatkova admaŭlaŭsia iści z supracoŭnikami milicyi ŭ rajadździeł.
Nahadajem, pavodle viersii milicyi Minskaj vobłaści, 3 lipienia prykładna u 19 hadzin na centralnaj płoščy horada supracoŭniki milicyi zaŭvažyli małaletniaje dzicia biez supravadžeńnia darosłych, jakoje «biehała ŭ natoŭpie». Zatym źjaviŭsia mužčyna 1962 hoda naradžeńnia, jaki nazvaŭsia dziadulem chłopčyka. Milicyjaniery prapanavali jamu prajści ŭ rajadździeł dla vyśviatleńnia, čamu maleńkaje dzicia było adno ŭ horadzie.
Spačatku mužčyna admoviŭsia iści ŭ milicyju, ale potym uziaŭ unuka na ruki i zajaviŭ, što pojdzie tolki ź im. Tym časam abjaviłasia i maci chłopčyka, dačka mužčyny. Jana, jak vyśvietliłasia, taksama znachodziłasia na płoščy. Utraich jany i nakiravalisia ŭ rajadździeł. Pierad budynkam mužčyna addaŭ dačce ŭnuka.
U toj ža čas pravaabaroncy praciahvajuć nastojvać na tym, što chłopčyk usio ž apynuŭsia ŭ budynku RAUS na rukach u dziaduli i tolki potym jaho pieradali maci.
