Pravaabaroncy pieraścierahajuć ad zboru asabistych źviestak pra asobaŭ, navat vinavatych u parušeńniach pravoŭ čałavieka. Pravam na zbor asabistaj infarmacyi vałodajuć tolki kampietentnyja orhany.
Piarcovym hazam prosta ŭ tvar: tak 3 lipienia hicli ŭ cyvilnym pieraškadžali pracy žurnalistaŭ. U MUS zajavili, što nie majuć da hetaha nijakaha dačynieńnia.
Adnak u niadzielu fotakamiery zafiksavali maładoha čałavieka, jaki pyrskaje z bałončyka z-za śpiny prosta ŭ tvar apierataru ahienctva Reuters Uładzimiru Kościnu. Potym hety samy čałaviek z bałonam u rukach trapiŭ jašče na niekalki kadraŭ. Vielmi chutka jon staŭ čarhovym antyhierojem bajnetu. Spačatku pačali źjaŭlacca fotažaby ź jaho vyjavaj, a nieŭzabavie ŭ sacyjalnych sietkach prahučała prapanova adšukać jahonyja asabistyja dadzienyja i apublikavać ich.
Tut varta adznačyć, što ŭ sacyjalnych sietkach hučać zakliki da novaj hramadzianskaj kampanii. Ludzi aburajucca tymi sudździami i čynoŭnikami, jakija pieraśledujuć nievinavatych ludziej.
U internecie pačali źjaŭlacca fotazdymki najbolš aktyŭnych «ahientaŭ u cyvilnym» z podpisami «Ich šukaje milicyja», «Jon vykradaje ludziej». Pravaabaroncy pieraścierahajuć ad padobnych dziejańniaŭ. Pravam na zbor asabistaj infarmacyi vałodajuć tolki kampietentnyja orhany.Tym nie mienš, achviaraj virtualnaha palavańnia ŭžo staŭ vypusknik Akademii MUS, jakoha zapadozryli ŭ prymianieńni piarcovaha hazu suprać žurnalistaŭ.
Praź dzień paśla niadzielnaha razhonu pa błohach pajšli hulać źviestki sa staronki Vkontaktie adnaho z vypusknikoŭ Akademii MUS K. Ź jahonaj asabistaj infarmacyi vynikaje, što jon z-pad Vaŭkavyska, katalik i «nienavidzić apazicyju» (choć samo hetaje słova piša z pamyłkaju — i ŭvohule z arfahrafijaj nie siabruje). I choć małady čałaviek na fotazdymkach, źmieščanych na toj staroncy, nie zusim padobny na taho pšykuna, kursant K. imhnienna staŭ abjektam kpinaŭ i praklonaŭ.
Paźniej z «NN» źviazaŭsia małady čałaviek, jaki nazvaŭsia adnahrupnikam kursanta K. Jon paviedamiŭ, što toj nie byŭ u Minsku ŭ niadzielu. Jon pakrytykavaŭ padychod błohiera. Ale pry hetym asudziŭ i pšykunoŭ: «Paskudy byvajuć usiudy».
I choć kursant K. apynuŭsia nie tym, za kaho jaho pryniali, «nianaviść da apazicyi» ŭ čałavieka, jaki pavinien słužyć zakonu, a nie jakojści palityčnaj sile, vyklikaje pytańni da adukacyjnaj sistemy MUS. I hetyja pytańni datyčać nie tolki dziejańniaŭ milicyjantaŭ 3 lipienia.Ciažka sabie ŭjavić, kab, naprykład, u Hiermanii budučym palicyjantam pryščaplali nianaviść da apazicyi.
* * *
Kali ŭ kahości jość źviestki, chto atakavaŭ žurnalistaŭ 3 lipienia, paviedamlajcie ŭ ŚMI
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20262
Kamientary