Inicyjavany ministram kultury Paŭłam Łatuškam.
Jak paviedamili ŭ Minkultury, fiestyval abudziecca ŭ miežach «Słavianskaha bazaru» ŭ Viciebsku 9 lipienia. Razam z tym šerah mierapryjemtsvaŭ z udziełam pradstaŭnikoŭ biełaruskaj dyjaspary zapłanavany i ŭ Minsku.
Pieršy fiestyval mastactvaŭ biełarusaŭ śvietu i hała-kancert kalektyvaŭ mastackaj samadziejnaści biełarusaŭ zamiežža adbudziecca 9 lipienia ŭ k/z «Viciebsk», pačatak a 18.00.
U hety ž dzień u abłasnym centry projdzie druhoje pasiadžeńnie Kansultatyŭnaj rady pa spravach biełarusaŭ zamiežža pry Ministerstvie kultury. Čakajecca ŭdzieł pradstaŭnikoŭ Ministerstva zamiežnych spraŭ, Ministerstva infarmacyi, Ministerstva adukacyi, Ministerstva ŭnutrannych spraŭ i Ministerstva sportu i turyzmu, hramadska-kulturnych abjadnańniaŭ biełaruskaj dyjaspary, kiraŭnikoŭ hramadskich abjadnańniaŭ Biełarusi.
8 i 10 lipienia ŭ Minsku abdudziecca adkryćcio mastackaj vystavy «Biełaruskija mastaki ŭ śviecie» (Nacyjanalny mastacki muziej, 11.00), adkryćcio fotavystavy ab dziejnaści biełaruskich abjadnańniaŭ u zamiežnych krainach (Nacyjanalny histaryčny muziej, 12.00), adkryćcio litaraturnaj vystavy «Paety i piśmieńniki biełaruskaha zamiežža» (Dziaržaŭny muziej historyi biełaruskaj litaratury, 13.00), kancert kalektyvaŭ mastackaj samadziejnaści biełarusaŭ zamiežža (Biełaruskaja dziaržaŭnaja fiłarmonija, 14.00).
Udzieł u mierapryjemstvach prymuć pradstaŭniki biełaruskich abjadnańniaŭ z dvanaccaci krain: Armienii, Kazachstana, Kyrhyzstana, Małdovy, Hałandyi, Łatvii, Litvy, Polščy, Rasii, Ukrainy, Estonii, ZŠA.
